Gníoṁarṫa 22 - An Bíobla Naoṁṫa 1817 (Bedell)

Caibidil XXII Aiṫris ar ṫús beaṫaiḋ, 6 filleaḋ, 14 úrleisgeul, 25 agus saóirse Ṗóil mar Roṁanaċ.

¹ A Ḋaoine, a ḃráiṫreaċa, agus a aiṫre, éisdiġ a nois rém ṡáoraḋsa ḋáoiḃ.

² (Agus an tan do ċúaladar gur sa teanguiḋ Eaḃra do laḃair sé ríu, as móide do rinneadar cíuinus e: agus a duḃairt seision,)

³ As Iúdaiġe misi gan aṁarus, rugaḋ a Dtarsus, na Cilícia, giḋeaḋ as ann sa ċaṫruiġsi ag cosaiḃ Ġamáliel do hoileaḋ mé, agus do muineaḋ go diongṁála a ndliġeaḋ ar naiṫreaḋ mé, agus do ḃí mé ar lasáḋ do ġráḋ Dé, aṁail agus ataṫáoisi uile a niu.

⁴ Agus do ḃí mé ag gérleanṁuin na sliġeaḋso gus an mbás, ag ceangal ḟear agus ban agus dá dtarraing ċum priosúin.

⁵ Mar do ní uaċdarán na sagurt fós fíaḋnuisi ḋaṁ, agus na sinnsir uile: ó fuáir mé litreaċa mar an gcéudna ċum na mbraṫar, ré dul go Damascus, ar ċor go dtiuḃruínn leam ceanguilte go Híarusalém an ṁuinntir do ḃí ann sin, dfaġáil piannuide.

⁶ Agus tárla ḋaṁ, ar mo ṫuras, ar roċdain daṁ go gar do Ḋamascus timċeall ṁeaḋóin láoi, gur ḋeallruiġ solus mór ó neaṁ go hobann am ṫimċeall.

⁷ Agus do ṫuit mé ar talaṁ; agus do ċúaluiḋ mé gúṫ dá ráḋ rium, A Ṡáuil, a Ṡáuil, créd fá ngérleanann tú mé?

⁸ Agus do ḟreaguir misi, Cia ṫú féin, a Ṫiġearna? Agus a duḃairt seisean rium, As misi Iósa Nasarḋa ar a ḃfuil tusa ag gérleanṁuin.

⁹ Agus na dáoine do ḃí am ḟoċair do ċunncadar an solas go deiṁin, agus do ġaḃ eagla íad; giḋeaḋ ní ċúaladar gúṫ an té do laḃuir rium.

¹⁰ Agus a duḃairt mé, Créd do ḋéuna mé, a Ṫiġearna? Agus a duḃairt an Tiġearna rium, Eiriġ, agus imṫiġ go Damascus; agus inneósdar ḋuit ann sin gaċ uile ní dár hórduiġeaḋ ḋuit dó ḋéunaṁ.

¹¹ Agus mar naċ raiḃ aṁarc agam tré ġlóir na soillsi sin, do ṫreóruiġeadar mo luċd éintsliġeaḋ ar láiṁ mé, nó go dtáinic mé go Damascus.

¹² Agus táinic óglaċ áiriġe, dár ḃainm Ananias ċugam, duine díaḋa do réir an dliġiḋ, air a riaḃ teisd ṁaiṫ ag gaċ uile Iúduiġe dár áitiġ ann sin,

¹³ Agus ar seasaṁ ḋó láiṁ rium, a duḃairt sé, A Ṡáuil a ḃráṫuir, gaḃ ċugad do raḋarc. Agus ar a núair sin féin dféuċ me airsion.

¹⁴ Agus a duḃairt sé, Do ṫoġ Día ar naiṫreaċne roiṁ láiṁ ṫusa, ċum a ṫóla féin daiṫniúġaḋ, agus an Neaċ Coṁṫrom úd dfaicsin, agus glór a ċluisden as a ḃéul.

¹⁵ Oír bíaiḋ tu ad ḟíaḋnuisi aige a láṫuir na nuile ḋáoine ar na neiṫiḃ do ċunnairc agus do ċúala tú.

¹⁶ Agus a nois créd do ḃeir ag déunaṁ moilee ṫú? éiriġ, gaḃ baisdeaḋ ċugad, agus bí ar do ġlanaḋ ód ṗeacaḋaiḃ, ar ngairm ar ainm an Tiġearna.

¹⁷ Agus tárla, an tan do ḟill mé go Hiarusalém, agus do rinne mé urnaiġe ann sa teampoll, go ndeaċaiḋ mé a néull;

¹⁸ Agus do ċunnairc mé eisean dá ráḋ rium, Déuna deiṫḃir, agus imṫiġ go tapuiḋ as Iárusalém: óir ní ġéuḃuid síad ċuca ṫfíaḋnuisi am ṫimċeallsa.

¹⁹ Agus a duḃairt misi, A Tiġearna, as aiṫne ḋóiḃséan go gcuirinnsi a bpriosún an lión do ċreideaḋ ionnadsa agus go ngaḃainn orrṫa ann gaċ uile ṡínagóg:

²⁰ Agus a núair dóirteaḋ fuil do ṁairtír Steaṗán, do ḃi misi a láṫair, agus dáontuiġ mé ċum a ṁarḃṫa, agus do ċoiṁéud mé éudaiġe na muinntire do ṁarḃ é.

²¹ Agus a duḃairt seisean rium, Imṫiġ roṁad: óir cuirfiḋ misi ag céin ṫú ċum na Gcineaḋaċ.

²² Agus déisdeadarsan ris gus an ḃfocalsin, aċd ann sin do ṫógḃadar a ngúṫ os áird, ag ráḋ, Beir uáinn don talaṁ a leṫéid so do ḋuine: óir ní cóir a ḃeiṫ na ḃeaṫuiḋ.

²³ Agus an tan do éiġṁeadar, agus do ṫeilgeadar a néuduiġe ḋíoḃ, agus do ṫeilgeadar luaiṫreaḋ sa naiér,

²⁴ Do aiṫin an túaċdarán eisean do ḃreiṫ don ċaisléun, agus a duḃairt sé fios sgéul do ḃuáin lé sgíursaiḋiḃ ḋe; do ċum go mbeiṫ a ḟios aige créd é an taḋḃar fár éiġṁeadar mar sin na aġuiḋ.

²⁵ Agus mar do ċeangladar é lé cordaḋuiḃ, a duḃairt Pól ris an gcaiptín do ṡeas a láṫair, An cóir ḋáoiḃsi Róṁánaċ a sgíursaḋ, agus gan é ar na ḋamnaḋ?

²⁶ Agus ar na ċlós so don ċaiptín, do ċuáiḋ sé a gceann a núaċdaráin, agus dfoillsiġ sé sin dó, ag ráḋ, Taḃair dod aire créd atá tú ḋéunaṁ: óir is Róṁánaċ an fearso.

²⁷ Ann sin ar dteaċd do núáċdarán ċuige, a duḃairt sé ris; Innis daṁsa, an Róṁánaċ ṫú? Agus a duḃairt seisean, A seaḋ.

²⁸ Agus do ḟreaguir an túaċdarán, As mór an tsuim ar a ḃfuáir misi sáoirsi na caiṫreaċ sin. Agus a duḃairt Pól, Aċd is ann a rugaḋ misi.

²⁹ Ar a naḋḃarsin an luċd do ḃí ar tí a sgíursaiġe do imṫiġeadar úaḋ ar an mball: agus mar an gcéadna do ġaḃ eagla an túaċdarán, ar ḃfaġáil a ḟeasa gur Róṁánaċ é, agus go dtug sé fa deara a ċeangal.

³⁰ Agus ar na ṁáraċ ar mbeiṫ ḋó fonnṁair air ḋeiṁin sgéul dfaġáil créd í an ċoir do ċuirfidis na Iúdaiġe na aġuiḋsion, do sgáoil sé é ó na ċuiḃriġiḃ, agus tug sé aiṫne dúaċdaráin na sagart agus dá gcoṁairle uile teaċd do laṫuir, agus ar dtaḃairt Ṗóil amaċ, do ċuir sé ann a ḃfíaḋmuisi é.