Genesis 45 - An Bíobla Naoṁṫa 1817 (Bedell)

Caibidil XLV. Noċd Ióseṗ é féin da ḋearḃraiṫriḃ. 5 Tug coṁḟurtaċd ḋoiḃ. 9 Agus ċuir fios ar a aṫar.

¹ Ann sin níor ḟead Ioseṗ é féin do ċongṁáil a laṫair ar ṡéas na ḟoċair; agus do éiġ sé, Cuiriḋ gaċ éanduine amaċ uáim. Agus níor ḟan éanduine na foċair, an feaḋ do ḃi Ióseṗ ag léigean a aiṫne ċum a ḋearḃraiṫreaċ.

² Agus do ġuil sé ós áird: agus do ċúaladar na Hégiptiġ agus tiġ Ṗárao é.

³ Agus a duḃairt Ioseṗ ré na ḋearḃráiṫriḃ, As misi Ioseṗ; an ḃfuil máṫair beó fós? agus níor ḟéadadur a ḋearḃráiṫre freagra do ṫaḃairt air, óir do ḃí buáiḋreaḋ orra tré ḃeiṫ na laṫaír.

⁴ Agus a duḃairt Ióseṗ re na ḋearḃráiṫriḃ, Druidiġ riom, iarruim mar aṫċuinġiḋ oruiḃ. Agus do ḋruideadar leis. Agus a duḃairt seision Is misi Ióseṗ ḃur ndearḃraṫair, noċ do reacaḃair do Négipt.

⁵ Annois uime sin ná bíoḋ doilġios oruiḃ, nó fearg aguiḃ riḃ féin, fa misi do reic annso: óir isé Día do ċuir misi roṁuiḃ do ċuṁdaċ ḃur mbeaṫa.

⁶ Oír as dá ḃlíaḋuin atá an ġorta sa tir: agus atáid fós cúig ḃliaḋna ann naċ bía treaḃaḋ na foġṁar.

⁷ Agus do ċuir Día misi roṁuiḃsi do ċoiṁeud sleaċda ḋíḃ san talaṁ, agus do ċoiṁéud ḃur mbeaṫa re tárrṫáil ṁóir.

⁸ Mar sin annois ní siḃsi do ċuir uaiḃ mé áċ Día: agus do rinne sé aṫair ḋíomsa do Ṗárao, agus tiġearna ós cionn a ṫiġ uile, agus úaċdaran ar feaḋ ċriċe na Hégipte uile.

⁹ Déanuiḋsi deiṫneas, agus éirġiḋ súas ċum máṫar, agus abruiḋ ris, Is mar so a deir do ṁac Ióseṗ, do rinne Día tiġearna ḋiomsa ós cionn na Hégipte uile: tárr a núas ċugamsa, na déana maill.

¹⁰ Agus áitreoċuiḋ tú a ḃfearann Gosen, agus biáiḋ tú láiṁ riomsa, ṫú féin agus do ċlann, agus clann do ċloinne, agus do ṫréada, agus healḃaḋa, agus gaċ uile ní ḃus leaċd:

¹¹ Agus oilfe mé ṫú ann sin; (oír atá fós ċúig ḃliaḋna gorta ann) deagla go ttiucfá féin, agus do ṁuinntir, agus a nuile ní ḃeanas riot, ċum boċduine.

¹² Agus, féaċuiḋ, do ċíd ḃur súile, agus súile mo ḋearḃraṫar Beniamín, gurob é mo ḃéul atá ág laḃairt riḃ.

¹³ Agus inneostaói dom aṫair méid mo ġlóire sa Négipt, agus gaċ éinni dá ḃfacaḃaír; agus deanuiḋ deiṫḃir agus tugaiḋ máṫair a núas annso.

¹⁴ Agus do luiḋ sé ar ṁuinéul a ḋearḃráṫar Beniamin, agus do ġuil; agus do ġuil Beniamin ar a ṁuinéul san.

¹⁵ Os á ċionn sin fós do ṗóg sé a ḋearḃráiṫre uile, agus do ġuil orra: agus na ḋiáiġ sin do ċoṁráiḋeadar a ḋearḃráiṫre ris.

¹⁶ Agus do ċlos a ṫúaruscḃail sin a ttiġ Ṗárao, ag raḋ, Tangadar dearḃráiṫre Ióseṗ: agus do ṫaitin sin go mór ré Ṗárao, agus ré na ṡeirḃíseaċuiḃ.

¹⁷ Agus a duḃairt Ṗárao re Ioseṗ, Abuir réd ḋearḃráiṫriḃ, Déanuiḋ so; úaluiġe ḃur nainṁintiġe, agus imṫiġiḋ; súas go tír Ċánaain,

¹⁸ Agus tuguiḋ liḃ ḃur naṫair agus ḃur muinntir, agus tigiḋ ċugamsá: agus do ḃéura mé ḋiḃ maiṫeas ċríċe na Hégipte, agus do ġeaḃṫaoí ré iṫé do méaṫas na tíre.

¹⁹ Annois fuáir tu fúagra, déanuiḋ mar so; beiriḋ liḃ carbuid as críċ na Hégipte ar ceann ḃur náos óg, agus ar ceann ḃur mban, agus tugaiḋ ḃur naṫair liḃ, agus tigiḋ.

²⁰ Mar an gceadna ná cuiriḋ fuim an ḃur náirnéis tiġe; oir maiṫeas ċríċe na Hégipte uile is liḃsi é.

²¹ Agus do rinneadur clann Israel mar sin: agus tug Ióseṗ carbuid ḋóiḃ, do réir aiṫne Ṗárao, agus tug lónn dóiḃ ċum na sliġeaḋ.

²² Dá gaċ áon aca fa leiṫ tug sé aiṫearraċ culaḋ; aċ do Ḃeniamin tug sé trí ċéad píosa airgid, agus cúig culuiḋeaċa éaduiġ.

²³ Agus do ċuir sé ċum a aṫar ar an moḋ so; deiċ nassail ag iomċur neiṫeann maiṫ na Hégipte, agus deiċ nassáil ḃainniona ag iomċar arḃa agus aráin agus bíḋ dá aṫair ċum na sliġeaḋ.

²⁴ Mar sin do ċuir sé a ḋearḃráiṫre ar siúḃal, agus do imṫiġeadur: agus a duḃairt sé ríu, Coiṁéaduiġ naċ dtuitfe siḃ amaċ ar a tsliġe.

²⁵ Agus do ċúadur súas as a Négipt, agus tangadur go tír Ċanaain go Iácob a naṫair.

²⁶ Agus do inniseadur ḋó ag ráḋ; Atá Ióseṗ beó fós, agus isé is uaċdarán ós cionn ċríċe na Hégipte uile. Agus do lagaḋ croiḋe Iácob; óir níor ċreid sé íad.

²⁷ Agus do inniseadur ḋó bríaṫra Ióseṗ uile, noċ do laḃair sé ríu: agus a nuáir do ċonnairc sé na carbuid do ċuir Ióseṗ dá iomċar, do aiṫḃeóġuiḋ spiorad Iácob a naṫar:

²⁸ Agus a duḃairt Israel, Is lór sin; atá mo ṁac Ioseṗ beó fós; raċuiḋ mé agus do ċífe mé é suil éugfad.