Genesis 4 - An Bíobla Naoṁṫa 1817 (Bedell)

Caibidil IV. Geineaḋ Ċaín agus Abel. 25 Geineaḋ Ṡeṫ agus na naoṁ úaḋ.

¹ Agus do luiġ Aḋaṁ ré na ṁnáoi Eúḃa; agus do ṫoirrċeaḋ í, agus rug sí Cáin, agus a duḃairt sí, Do ġnoġuiḋ mé duine ón DTIĠEARNA.

² Agus rug sí a ris a ḋearḃraṫair Abel. Agus do ḃí Abel na áoḋaire caoraċ, agus do buḋ críaḋuire ḟearuin Cáin.

³ Agus accionn aiṫe tárla ann, go ttug Cáin leis do ṫoraḋ na talṁan ofrail don TIĠEARNA.

⁴ Agus go tugg Abel, mar an ccéudna do ċéidġiniḃ a ṫréuda agus da ṡault; agus do ḃí meas ag an TTIĠEARNA ar Abel agus ar ofráil.

⁵ Aċ ní raiḃ suim aige a Ccáin, ná ann a ofráil. Agus do ḃí Cáin lán dḟeirg, agus daṫarruiġ a ḋealḃ.

⁶ Agus a duḃairt an TIĠEARNA ré Cáin, cioḋ fá bḟuil tú feargaċ? agus créud far ċláoċluiḋ tú do ċruṫ?

⁷ Má ní tú go maiṫ, naċ nglacfuiġṫear ṫú? agus muna ndéarna tú go maiṫ, atá an péacaḋ na luiġe ag an dorus, agus biáiḋ a ḟonn ċugadsa, agus riaġloċuiḋ tú ós a ċionn.

⁸ Agus do ċoṁráiġ Cáin ré na ḋearḃraṫair Abel; agus tarla ann, a nuair do ḃádar ar an maċaire, gur éiriġ Cáin súas a naġuiḋ Abel a ḋearḃraṫar, agus gur ṁarḃ é.

⁹ Agus a duḃairt an TIĠEARNA ré Cáin, Cáit a ḃfuil do ḋearḃraṫair Abel? agus a duḃairt seision, ni ḟeidir misi sin: an misi coiṁeuduiġ mo ḋearḃraṫar?

¹⁰ Agus a duḃairt seision, Creud do rinne tú? atá guṫ fola do ḋearḃraṫar ag éiġṁe ormsa as an ttalaṁ.

¹¹ Agus a nois ata tusa malluiġe ón ttalaṁ, noċ do osguil a beul do ġlacaḋ fola do ḋearḃraṫar as do láiṁ.

¹² A nuáir ṡáoṫroċus tú an talaṁ, ní ṫiuḃra feasda a neart duit; ad ṫeiṫṁeaċ agus ad ḋeóruiġe ḃías tú annsa talaṁ.

¹³ Agus a duḃairt Cáin ris an TTIĠEARNA, As mó mo ṗionús ná mar ḟéuduim iomċar.

¹⁴ Féuċ, do ḋíbir tú mé ó aġuiḋ na talṁan san ló a niuġ; agus foileoċar ód ġnúis mé, agus béad am ṫeiṫṁeaċ agus am ḋeóruiġe annsa talaṁ, agus tiucfa as sin, giḋ bé air biṫ ṫeigeoṁas riom, go muirfiḋ sé mé.

¹⁵ Agus a duḃairt an TIĠEARNA ris, Uime sin giḋ bé ar biṫ ṁuirfeas Cáin, do ḋéuntar a ṡeaċd noirid dioġaltuis air. Agus do ċuir an TIĠEARNA coṁarṫa ar Ċáin, deagla áonduine ar na ḟaġáil go muirfeaḋ é.

¹⁶ Agus do ċuáiḋ Cáin amaċ as fiaġnuisi an TIĠEARNA, agus do áitriḃ sé a ttír Nod, táoḃ ṡoir do Eden.

¹⁷ Agus do luiġ Cáin ré na ṁnáoi; agus do ṫoirrċeaḋ í, agus rug sí Enoċ: agus do rinne caṫair, agus tug aimn uirre do réir anma a ṁic, Enoċ.

¹⁸ Agus do Enoċ rugaḋ Irad: agus do ġein Irad Mehuiael: agus do ġein Mehuiael Metusael: agus do ġein Metusael Lameċ.

¹⁹ Agus tug Lameċ días ban: áon díoḃ dar ḃainm Adah, agus an dara ḃean dar bainm Sillah.

²⁰ Agus rug Adah Iabal: do bé sin aṫair na druinge do ċoṁnuiġeaḋ a bpuibliḃ, agus na druinge gá mbí airnéis.

²¹ Agus do bé ainm a ḋearbraṫar Iúbal: do bé sin aṫair na nuile do ġlacaḋ an ċláirseaċ agus na horgáin.

²² Agus Sillah, mar ann cceudna rug Túbal-Cáin, fear múinte a nuile ḟir ceirde do nioḋ céardaċd ṗráis agus íaruinn: agus do bí dearḃṡíur Ṫúbal-Cáin Náamah.

²³ Agus a duḃairt Lameċ ré na ṁnáiḃ, Adah agus Sillah, Eisdiġ ré mo ġlór a ṁná Lameċ, eisdiġ rem ċaint: óir do ṁarḃus duine ċum mo lot, agus duine óg ċum mo ḋoċair féin.

²⁴ Má ḋioġaltar ar Ċáin seaċd noirid, go deiṁin dioġaltar ar Lámeċ seaċt agus seaċdṁoḋad oirid.

²⁵ Agus do luiġ Aḋaṁ ré na ṁnáoi a rís; agus rug sí mac, agus tug Seṫ daínm air: Oir ar sisi, do órduiġ Día ḋaṁ síol eile a náit Abel, do marḃaḋ lé Cáin.

²⁶ Agus do Ṡéṫ, rugaḋ mac ḋósan mar an ccéudna; agus Enos do ġoir dainm ḋe: annsin do ṫosuiġ dáoine gairm ar ainm an TIĠEARNA.