Exodus 7 - An Bíobla Naoṁṫa 1817 (Bedell)

Caibidil VII. Céud ṗláġ na Hegipte.

¹ Agus a duḃairt an TIĠEARNA ré Maóisi, Féuċ, do rinne mé Día ḋíot do Ṗárao: agus biáiḋ do ḋearḃraṫair Aáron na ḟáiḋ agad.

² Laiḃeóra tú gaċ uile ní aiṫeónuis misi ḋíot; agus laḃeóruiḋ Aáron do ḋearḃraṫair ré Ṗárao, clann Israel do ċur as a ḋuṫaiġ.

³ Agus cruáiḋeóċuiḋ misi croiḋe Ṗárao, agus diomadeoċúiġ mé mo ċoṁarṫuiġe, agus mo ṁíorḃuileaḋ a gcríċ na Hégipte.

⁴ Aċ ní éisdfiḋ Ṗárao riḃsi, ar ċor go leagfa misi mo láṁ ar a Négipt, agus go ttiuḃra mé mó ṡlúaġ, agus mo ṗobal clann Israel, amaċ as críċ na Hégipte, le breiṫeaṁnusuiḃ móra.

⁵ Agus aiṫeónuid na Hégiptiġ gur mé an TIĠEARNA, a nuáir ṡínfeas mé amaċ mo láṁ ar a Négipt, agus ḃéurus mé clann Israel ó ḃeiġ na measg.

⁶ Agus do rinne Maóisi, agus Aáron mar do aiṫin an TIĠEARNA ḋíoḃ, is mar sin do rinneadar.

⁷ Agus do ḃí Maóise ceiṫre fiċid blíaḋan dáois, agus Aáron trí blíaḋna agus ceiṫre fiċid, a nuáir do laḃradur ré Ṗárao.

⁸ Agus do laḃair an TIĠEARNA ré Maóisi, agus ré Háaron, ag raḋ,

⁹ A nuáir laiḃeórus Ṗárao riḃ, ag ráḋ, Taisbeanuiḋ míorḃuile ar ḃur son fein: ann sin déara tusa ré Háaron, Glac do ṡlat agus teilg a ḃfiaġnuisi Ṗárao í, agus do ḋéantar naṫair niṁe ḋi.

¹⁰ Agus do ċuáiḋ Maóisi agus Aaron a steaċ go Ṗárao, agus do rinneadar mar do aiṫin an TIĠEARNA ḋíoḃ: agus do ṫeilg Aáron a ṡlat sios a laṫair Ṗárao, agus a laṫair a ṁuinntire, agus do rinneaḋ naṫair niṁe ḋi.

¹¹ Ann sin do ġoir Ṗárao mar an gcéadna na dáoine glíoca, agus na bpiséogáiḃ: a nois dráoiṫe na Hégipte, do rinneadursan fós ar an moḋ céadna le na ndroiġeaċduiḃ.

¹² Oír do ṫeilgeadar síos gaċ áonduine aca a ṡlat, agus do rinneaḋ naiṫreaċa niṁe ḋíoḃ: aċ do ṡluig slat Aaron súas a slatasan.

¹³ Agus do ċruáiḋiġ sé croiḋe Ṗárao, go nár éisd sé ríu; fá mar a duḃairt an TIĠEARNA.

¹⁴ Agus a duḃairt an TIĠEARNA ré Maóise, Do cruáiḋeaḋ croiḋe Ṗárao, do ḋíult sé léigion don ṗobal imṫeaċd.

¹⁵ Eiriġ a ccionn Ṗárao ar maidin; féuċ, raċuiḋ sé amaċ ċum a nuisge; agus seasfa tusa ar ḃrúaċ na haḃanna ag fuireaċ ré na ṫeaċd; agus an tslat dá ndéarnaḋ a naiṫir niṁe, glacfá tú ad laiṁ í.

¹⁶ Agus déara tú ris, Do ċuir an TIĠEARNA Día na Neaḃruiḋeaċ misi ċugad, dá ráḋ, Léig dom ṗobal imṫeaċd, do ḋéanaṁ serḃíse ḋaṁsa san ḃfásaċ: agus, féuċ, go nuige so níor áil leaċd méisdeaċd.

¹⁷ Mar so a deir an TIĠEARNA, Ann so aiṫeónus tú gur misi an TIĠEARNA: féuċ, buáilfe mé leis an tslait atá am láiṁ, ar na huisgiḋiḃ atá sa naḃuinn, agus iompóċṫar íad a ḃfuil.

¹⁸ Agus do ġeaḃuiḋ an tíasg atá sa naḃuinn bás, agus bréanfuiḋ a naḃann; agus buḋ glonṁaraċ leis na Hégiptiḃ uisge na haḃanna dól.

¹⁹ Agus do ráiḋ an TIĠEARNA re Maóisi, Abair ré Háaron, glac do ṡlat, agus sín amaċ do láṁ ar uisgiḋiḃ na Hégipte, ar a sroṫuiḃ, ar a naiḃniḃ, ar a loċánuiḃ, agus ar a nuile ċoṁċruinniuġaḋ uisge, go ndéarntar fuil díoḃ; agus go mbía fuil ar feaḋ ċríċe na Hegipte uile, aráon a soiṫiġiḃ Aḋmuid, agus a soiṫiġiḃ cloiċe.

²⁰ Agus do rinne Maóisi agus Aaron mar sin, mar do aiṫin an TIĠEARNA, agus do ṫóg sé suas an tslat, agus do ḃuáil na huisgiḋe, do ḃí sa naḃuinn a raḋarc Ṗárao, agus a raḋarc a ṡerḃíseaċ: agus do hiompóiġeaḋ a raiḃ duisge sa naḃuinn a ḃfuil.

²¹ Agus do fúair an tíasg do ḃi sa naḃuinn bás, agus do ḃréun a naḃann, agus níor ḟéadadar na Hégiptiġ uisge na haḃanna dól: agus do ḃí fuíl ar feaḋ ċríċe na Hégipte uile.

²² Agus do rinneadar dráoiṫe na Hégipte sin lé na ndroiġeaċduiḃ; agus do cruáiḋeaḋ croiḋe Ṗárao, agus níor uṁluiġ sé ḋóiḃ; fá mar a duḃairt an TIĠEARNA.

²³ Agus do ḟill Ṗárao, agus do ċuáiḋ ḋá ṫiġ, ní mó do ċuir se a ċroiḋe leis sin mar an ccéadna.

²⁴ Agus do ṫoċladar na Hégiptiġ uile fá gcuáirt na haḃanna, dfaġail uisge rén ól; óir níor ḟéadadar uisge na haḃanna dól.

²⁵ Agus do coiṁlíonaḋ seaċd lá, tar éis an TIĠEARNA do ḃúalaḋ na haḃanna.