Exodus 5 - An Bíobla Naoṁṫa 1817 (Bedell)

Caibidil V. Ṗarao deís raḃaḋ ḟaġail ó Ṁaoisi agus ó Aaroin, Israel do leigean ar Sioḃal. 5 Do ṁeúduiġ se daoirse Israel.

¹ Agus na ḋiáiġ sin do ċuáiḋ Maóisi agus Aáron a steaċ, agus do inniseadur do Ṗárao, Marso a deir an TIĠEARNA Día Israel, léig dom ṗobal imṫeaċd, go ndearnaid féusda ḋaṁsa san ḃfásaċ.

² Agus a duḃairt Ṗárao, Cía hé an TIĠEARNA da nuṁloċuinnsi ḋá ġlór, as a léigfinn Israel dimṫeaċd? ni haiṫnid daṁsa an TIĠEARNA sin agus ní mó léigfeas mé Israel dimṫeaċd.

³ Agus a duḃradursan, Tarla Día na Neaḃruiḋeaċ rinn: léig ḋúinn imṫeaċd, iarmáoid ort, uiḋe ṫrí lá annsa ḃfásaċ, agus ioḋbuirt do ḋéanaṁ don TIĠEARNA ar Ndía; deagla go luiḋfioḋ sé oruinn le pláiġ nó lé cloiḋeaṁ.

⁴ Agus do ráiḋ ríġ na Hégipte ríu, Cread fa mbacṫaoisi, a Ṁaóisi agus a Aáron, do na daoiniḃ a nobair do ḋéanaṁ? éirgiḋsi ċum ḃur núaluiġ.

⁵ Agus a duḃairt Ṗárao, Féuċuiḋ, atáid pobal na tíre annois líonṁar, agus do ḃéurṫaoise orra fuireaċ óna nualuiġiḃ.

⁶ Agus tug Ṗárao aiṫne an lá sin féin do ṁaiġistríḃ tasca an ṗobuil, agus dá noifigeaċuiḃ, ag ráḋ,

⁷ Ní ṫiuḃarṫaoi feasda tuiġe don ṗobal do ḋéanaṁ brice, mar ṫugaḃair go ttí so: éirgidís agus cruinniġedís tuiġe ḋóiḃ féin.

⁸ Agus a nuiḃir ḃríceaḋ, do rinneadur go nuige so, cuirfíḋe sin orra; ní láiġdeoċṫaói a ḃeag ḋe: óir atáid díoṁáoin; agus is uime sin ġáirid síad, ag ráḋ, Léig ḋúinn imṫeaċd do ḋéanaṁ ioḋbarṫa dár Ndía.

⁹ Cuirṫear tuilleaḋ oibre ar na daóiniḃ go ndearnaid sáoṫar ann; agus naċ tugaid aire do ḃríaṫruiḃ díoṁaóin.

¹⁰ Agus do ċúadur maiġistríġe dáoirsi an ṗobail amaċ, agus a noifigiḋ, agus do laḃradur ris an bpobal, ag ráḋ, Is mar so a deir Ṗárao, ni ṫiuḃra misi tuiġe ḋaóiḃ.

¹¹ Eirgiḋ, faġaiḋ tuiġe mar ar féidir liḃ a ḟaġáil: ní raċuiḋ a ḃeag dá ḃur nobair síos.

¹² Mar sin do spréiġ an pobal amaċ ar féaḋ ċríċe na Hégipte do ċruinniuġaḋ connluiġ a náit tuiġe.

¹³ Agus do ḃrosduiġeadar na maiġistríġe tasca íad, ag ráḋ, Iomlánuiġ ḃur nobair, ḃur ttasca láeṫeaṁuil, coṁmaiṫ agus a nuáir do ḃí tuiġe aguiḃ.

¹⁴ Agus do buáileaḋ oifigiḋ ċloinne Israel, noċ do ċuireadur maiġistriġe tasca Ṗárao ós a gcionn, agus do ḟiafruiġeaḋ ḋíoḃ, Cread fá nár coṁlíonaḃair ḃur ttasca a ndéanaṁ bríce a né agus a niuġ, mar do rinneaḃair roiṁe sin?

¹⁵ Ann sin tangadur oifigiḋ ċloinne Israel, agus do éiġeadur ar Ṗárao, ag ráḋ, Créad fá ndéan tú so réd ṡerḃíseaċuiḃ?

¹⁶ Ní tucṫur tuiġe dot ṡerḃíseaċuiḃ, agus a deirid síad rinn, Déanuiḋ bríce: agus, féuċ, gaḃṫar ar do ṡerḃíseaċaiḃ; aċd as ar do ḋáoiniḃ féin atá an loċd.

¹⁷ Aċd a duḃairt seision, Atáṫaoi díoṁáoin, atáṫaoi díomáoin: uime sin a dearṫaoi, Léig ḋúin imṫeaċd go ndearnamáois ioḋbuirt don TIĠEARNA.

¹⁸ Imṫiġiḋ a nois uime sin, agus déanuiḋ sáoṫar; óir ní tiuḃarṫar tuiġe ar biṫ ḋaóiḃ, agus gíḋeaḋ do ḃéurṫaoi uáiḃ uiḃir na mbríceaḋ.

¹⁹ Agus do ċoncadúr oifigiḋ ċloinné Israel, gur ḃolc an náit ann a raḃadur, tar éis a ráḋ, Ní laiġdeoċuiḋ a ḃeag dá ḃur mbríciḋ ann ḃur ttasca laéṫeaṁuil.

²⁰ Agus tárla re Maóisi agus re Aáron íad, noċ do ṡeas annsa tsliġe mar ṫangadur amaċ ó Ṗárao:

²¹ Agus a duḃradur ríu, Go ḃfeuċuiḋ an TIĠEARNA oruiḃ, agus beireaḋ breaṫ; do ċionn go ndearnaḃair ar mbolaḋ domblasda a laṫair Ṗárao agus a raḋarc a ṡerḃíseaċ, do ċur cloiḋiṁ ann a láiṁ dar marḃaḋ.

²² Agus do ḟill Maóise ċum an TIĠEARNA, agus do ráiḋ, A ṪIĠEARNA, creád fá ndeárna tú coṁolcso ris an bpobalsa? Créad as ar ċuir tú misi uáit?

²³ Oír ó ṫáinic mé go Ṗárao do laḃairt ad ainmse, do rinne sé olc ó ṡin don ṗobalsa; agus ní mó do ṡáor tusa do ṗobal ar éanċor.