Exodus 18 - An Bíobla Naoṁṫa 1817 (Bedell)

Caibidil XVIII. Táinic Ietro aṫair ċliaṁuin Ṁaoise dá ḟiosruġaḋ. 13 Daóntuiġ Maoise da ḋeaġ ċoṁairle.

¹ A nuair do ċualuiḋ Ietro sagart Ṁídian, clíaṁuin Ṁaóise, a nuile ní do rinne Día ar son Ṁaóise, agus ar son Israel a ṗobál féin, agus go rug an TIĠEARNA Israel amaċ as a Négipt;

² Ann sin rug Ietro, clíaṁuin Ṁaóise, Sipporah, bean Ṁaóise leis tar éis a cur ar a hais;

³ Agus a días mac; dar ḃainm dáon díoḃ Gersom; óir a duḃairt sé, Do ḃí mé am ċoigcríoċ a ttír ċoimṫiġ.

⁴ Agus dob é ainm an ḟir eile Elieser: óir dob é Día máṫar mo ċúngantaċ, agus do ṡáor mé ó ċloiḋeaṁ Ṗárao:

⁵ Agus táiníc Iétro, cliaṁuin Ṁaóise, maílle ré na ṁacuiḃ agus lé na ṁnáoi go Maóise don ḟásaċ, mar a ndearna sé foslungṗurt a slíaḃ Dé:

⁶ Agus a duḃairt sé re Maóise, Mísi do ċlíaṁuin Iéṫro, ṫáiníc mé ċugad, agus do ḃean, agus á ḋías mac lé.

⁷ Agus do ċuáiḋ Maóise a maċ a ccoinne a ċleaṁna, agus do rinne uṁla agus tug póg ḋó; agus do ḟiafruiġ gaċ neaċ ḋioḃ dá ċéile cionnus do ḃádar: agus tangadur don lóistín.

⁸ Agus do innis Maóise da ċlíaṁuin a nuile ní do rinne an TIĠEARNA ré Ṗárao agus ris na Hégiptiḃ ar son Israel, agus a nuile aisdior dá ttainic orra ann sa tsliġe, agus cionnus do ṡáor an TIĠEARNA íad.

⁹ Agus do ġáirdiġ Ieṫro ar son na huile ṁaíṫeasa dá ndearna an TIĠEARNA do Israel, noċ do ṡáor sé as láṁuiḃ na Negipteaċ.

¹⁰ Agus a duḃairt Iétro, Gó maḋ beannuiġe an TIĠEARNA, noċ do ṡáor siḃ ó laṁuiḃ na Négipteaċ, agus as laṁ Ṗarao, noċ do ṡaor na daoine ó ḃe faói laṁ na Negiptaċ.

¹¹ Annois aiṫniġim gur mó an TIĠEARNA ná a nuile ḋée: óir ann sa ní ann ar ḃeanadarsan go huáiḃreaċ do ḃí sé ós a ccionn.

¹² Agus do ġlac Ieṫro, clíaṁuin Ṁaóise, ofráil loiscṫe, agus ioḋbarṫa do Ḋía: agus táinic Aaron, agus sinnsir Israel uile, diṫe aráin lé ċíaṁuin Ṁaóise a ḃfiaġnuisi Dé.

¹³ Agus tárla ar na ṁáraċ, gur ṡuiġ Maóise do ḃreiṫniuġaḋ an ṗobail: agus do ṡeasadar an pobal ag Maóise ó ṁaidin go tráṫnóna.

¹⁴ Agus a nuáir do ċonnairc clíaṁuin Ṁaóise a nuile ní do rinne sé ris an bpobal, a duḃairt sé, Cread an nisi do ní tú ris an bpobal? cread as a suiġeann tú féin ad áonar, agus an pobal uile na seasaṁ agad, ó ṁaidin go tráṫnóna?

¹⁵ Agus a duḃairt Maóise ré na ċlíaṁuin, Do ċionn go ttig an pobal ċugam do ċeasnuġaḋ um Ḋía:

¹⁶ A nuáir ḃías cúis aca, tigid ċugamsa; agus beirim breaṫ idir gaċ dá rann, agus do ḃeirim orra fios reaċda Dé, agus a ḋliġe do ḃaiṫ aca.

¹⁷ Agus a duḃairt clíaṁuin Ṁaóise ris, An read do ni tú ní maíṫ é.

¹⁸ Caiṫfe tú as go deiṁin, áraon ṫú féin, agus an pobalsa ad ḟoċair; óir is roṫrom an ní si ḋuit; ní héidír ḋuit a ċoṁlíonaḋ, ṫú féin ad áonar.

¹⁹ Eíst annois ream ġuṫsa, do ḃéura mé coṁairle ḋuit, agus biáiḋ Día maille riot: Bíḋsi ar son an ṗobuil leaṫ ré Día; ċor go mbéura tú a ccúis go Día:

²⁰ Agus múinfe ṫu órduiġṫe, agus dliġṫe ḋóiḃ, agus taisbéanfa tú ḋóiḃ an tsliġe ann a ccaiṫfid síad siuḃal, agus a nobair ċaiṫfid síad do ḋéunaṁ.

²¹ Os a ċionn so; gléasfa tú as an bpobál uile dáoine acfuinneaċa, drong ar a mbí eagla Dé; dáoiné fírinneaċa, ḟuaṫuiġeas saint; agus cuir ós a ccionn íad, uaċdarain mileaḋ, uaċdarain céad, uaċdarain cáogad, agus uaċdaráin deiṫneaṁuir:

²² Agus breaṫnuiġidis an pobal ann gaċ uile am: agus is aṁla ḃías, go dtiuḃruid ċugadsa a nuile cúis ṁór, aċ gaċ uile ċúis ḃeag breiṫneoċuid féin: mar sin ḃias socaṁlaċ ḋuitse, agus iomċoruidsion an túalaċ maille leaċd.

²³ Má ní tú an ní si, agus go naiṫeonuiḋ Día sin díot, ann sin ḃus éidir leaċd a iomċar, agus an pobalsa mar an gcéudna raċuid da náit féin a síoṫċáin.

²⁴ Mar sin do éist Maóise re guṫ a ċleaṁna, agus do rinne a nduḃairt sé uile.

²⁵ Agus do ṫoġ Maóise dáoine iomċuḃuiḋ as Israel uile, agus do rinne sé naċdaráin díoḃ ós cionn an ṗobuil, uaċdaráin mileaḋ, naċdaráin ċéad, uaċdaráin ċaoġad, agus uaċdarain ḋeiṫneaṁuir.

²⁶ Agus do nídís breiṫeaṁnus ar an bpobal gaċ uile uáir: na cúise cruaiḋe do ḃerdís go Maóise, aċd gaċ uile ċuis ḃeag do réiġedís fein.

²⁷ Agus do léig Maóise dá ċliaṁuin imṫeaċd; agus do ċúaiḋ sé dá ḋuṫaiġ féin.