Ester 9 - An Bíobla Naoṁṫa 1817 (Bedell)

Caibidil IX. Na Hiúduiġe ar búalaḋ a naiṁde ḋoiḃ, 20 do ċongṁadar féusta Púrim.

¹ Anois annsa dara mí déag, (do bí sin, mí Adar), ar an treas lá déag ḋi, a núair do ḃi aiṫne an ríġ agus a órduġaḋ a ngar ré a ccur a ccríċ, annsa ló ar ṡaóileadar naiṁde na Niúduiġeaḋ cuṁaċt dfaġáil ós a ccionn, (matá gar hiompóiġeaḋ é go contrarḋa, go raiḃ buáiḋ ag na Iúduiġiḃ ós cionn na muinntire noċ do ḟúaṫuiġ íad;)

² Do ċruinniġeadar na Iúduiġe íad féin a ccionn a ċéile íona ccaiṫreaċaiḃ air feaḋ uile ṗroiḃinnseaoh an ríġ Ahasuérus, do ċur a láiṁe annsa druing do ṫairg an doċar do ḋéanaṁ: agus níor ḟéud áonduine seasaṁ ríu; óir do ġaḃ eagla gaċ uile ṗobal rompa.

³ Agus do ċuidiġeadar úaċtaráin, agus riaġlóruiġ, agus breiṫeáṁuin, agus oifigiḋ an ríġ, leis na Iúduiġiḃ; do ḃriġ gur luiḋ eagla Ṁordecai orra.

⁴ Oir bá mór Mordecai a ttiġ an ríġ, agus do ċuáiḋ a ċlú amaċ ar feaḋ na nuile ṗroiḃinnseaḋ: óir dfás an duinesi Mordecai ní sa ṁó agus ní sa ṁó.

⁵ Marso do ḃuáileadar na Iúduiġe a naiṁde uile le buille an ċloiḋiṁ, agus le hár, agus le scrios, agus do rinneadar mar buḋ toil léo ris an luċd do ḟúaṫuiġ íad.

⁶ Agus ann Súsan an pálás do ṁarḃadar na Iúduiġe agus do ṁuiġeadar cúig céud fear.

⁷ Agus Parsandata, agus Dalṗon, agus Aspata,

⁸ Agus Porata, agus Adaliah, agus Aridata,

⁹ Agus Parmasta, agus Arisai, agus Aridai, agus Ḃaiseata,

¹⁰ Deiċ ṁic Háman ṁic Hammedata, náṁuid na Niúduiġeaḋ, do ṁarḃadar íad; aċt air a néadáil níor leagadar a láṁ.

¹¹ Tugaḋ an lásin a laṫair an ríġ uiḃir na méide do marḃaḋ ann Súsan an pálás.

¹² ¶ Agus a duḃairt an ríġ re Hester an ḃainríoġan, Do ṁarḃ agus do scrios na Iúduiġe cúig ċéud fear ann Súsan an pálás, agus deiṫneaṁar mac Háman; cred do rinneadar annsa ċuid oile do proiḃinnsiḃ an ríġ? anois cred í haṫċuinge? agus do ḃéarṫar ḋuit í: nó cred é híarratus ní is mó? agus do ḋéantar é.

¹³ Annsin a duḃairt Ester, Más toil leis an ríġ, tugṫar cead do na Iúduiġiḃ atá ann Súsan sin do ḋéanaṁ a máraċ mar an ccéadna do réir órduiġṫe an láesi, agus croċtar deiṫneaṁar mac Háman annsa ċroiċ.

¹⁴ Agus daiṫin an ríġ a ḋéanaṁ marsin: agus tugaḋ a nfógra ann Súsan; agus do ċroċadar deiċ mic Háman.

¹⁵ Oír do ċruinniġeadar na Iúduiġe do ḃí ann Súsan íad féin a ccionn a ċéile ar an cceaṫraṁaḋ lá déag don ṁí Adar mar an gcéadna, agus do ṁarḃadar trí ċéad fear ann Súsan; aċt níor leagadar a laṁ air a néadáil.

¹⁶ Aċt na Iúduiġe uile do ḃí a bproiḃinnsiḃ an ríġ do ċruinniġeadar íad féin a ccionn a ċéile, agus do ṡeasadar ar son a nanma, agus fúaradar ciúnas ó na naiṁdiḃ, agus do ṁarḃadar dá neasccáirdiḃ seaċtṁoġad agus cúig ṁíle, aċt níor leagadar á láṁa air an ccreiċ,

¹⁷ Ar an treas lá déag do ṁí Adar, agus ar an cceaṫráṁaḋ lá déag don ṁí ċéadna do ṡocruiġeadar, agus do rinneadar lá féusta agus soláis de.

¹⁸ Aċt na Iúduiġe do ḃí ann Susan do ċruinniġeadar a ḃfoċair a ċéile ar an treas lá déag don ṁí sin, agus ar an cceaṫraṁaḋ lá déug ḋi; agus air an ccúigeaḋ lá déug don ṁí ċéadna do ṡúaiṁniġeadar, agus do rinneadar ḋe lá féusta agus sóláis.

¹⁹ Uime sin do rinneadar Iúduiġe na mbailteaḋ mbeag do ċoṁnuiḋ a mbaíltiḃ gan ḃallaḋa, an ceaṫraṁaḋ lá déag do ṁí Adar na lá lúaṫġáire agus féusta, agus na lá ṁaiṫ, agus do ċur oirċiseaċt ċum a ċéile.

²⁰ ¶ Agus do scríoḃ Mordecai na neíṫesi, agus do ċuir se litreaċa ċum na Niúduiġeaḋ óile do ḃí a nuile ṗroiḃinnsiḃ an ríġ Ahasuerus, a ḃfogus agus a ccéin,

²¹ Dá ḃúanuġaḋ so na measc, go ccongṁuidís an ceaṫraṁaḋ lá déug don ṁí Adar, agus an cúigeaḋ lá ḋi, gaċa blíaḋna,

²² Mar an láeṫe ar ṡuaiṁniġeadar na Iúduiġe ó na naiṁdiḃ, agus an ṁí do hiompóiġeaḋ ċuca ó ḋólás go sólás, agus ó ḋóbrón go la ṁaiṫ: go ndéindís ḋíoḃ láeṫe feasta agus gáirdeaċuis, agus oirċiseaċd do ċur ċum a ċéile, agus tioḋluicṫe ċum na mboċt.

²³ Agus do ġaḃadar na Iúduiġe orra féin a ḋéanaṁ mar do ṫosuiġeadar, agus mar do scríoḃ Mordecai ċuca;

²⁴ Do ḃríġ gur ṫríall Háman ṁac Hammedata, an Tagagiteaċ, náṁuid na Niuduiġeaḋ uile, a naġuiḋ na Níuduiġeaḋ ċum a scriosta, agus gur ṫeilg Pur, (eaḋon crannċar), dá ndíoṫuġaḋ, agus dá scrios;

²⁵ Aċt a núair ṫáinic Ester a laṫair an ríġ, daiṫin se le litreaċaiḃ an droiċṫionnsgnaṁ, do ṫríall sé a naġaiḋ na Niúduiġeaḋ, dfilleaḋ ar a ċeann féin, agus é féin agus a ṁic do ċroċaḋ san ccroiċ.

²⁶ Ar a naḋḃarsin do ġoireadar Púrim do na láeṫiḃsin, ón nainm Pur. Uimesin ar son ḃríaṫar na litreaċ, agus ar son gaċ neiṫe dá ḃfacadar a ttáoḃ a naḋḃairsi, agus noċ déiriġ ḋóiḃ.

²⁷ Dórduiġeadar na Iúduiġe, agus do ġaḃadar orra féin, agus air a slioċt, agus ar gaċ uile ḋuine dá cceingeolaḋ ríu, iondus naċ ḃfailleoċṫai é, go ccoiṁéadfaidís an dá lá so do réir a scríḃinne, agus do réir a nuáire cinnte gaċa blíaḋna;

²⁸ Agus go ccuíṁneocṫaoi na láeṫesi agus go cciṁéadfuiḋe íad ar feaḋ gaċ éainġemealuiġ, gaċ éaintreiḃe, gaċ ṗroiḃinnse, agus gaċ éanċaiṫreaċa; agus naċ ḃfailleoċṫaoi na láeṫeso Púrim ó ḃeiṫ a measc na Niúduiġeaḋ, nó a ccuiṁne do ḋul a mbáṫaḋ ó na síol.

²⁹ Ann sín do scrioḃ Ester an ḃainríoġan, inġean Abihail, agus Mordecai an Iúduiġ, maille ris a nuile úġdarrás, ċum an dara litresi Ṗúrim do ḋaingniuġaḋ.

³⁰ Agus do ċuir sé na litreaċa ċum na Níuduiġeaḋ uile, ċum na ccéud agus na seaċt bproiḃinnseaḋ fiṫċiod do rioġaċta Ahasuerus, maille re bríaṫruiḃ síoṫċána agus fírinne,

³¹ Do ḋaingniuġaḋ na laéṫeaḋso an Ṗúrim iona naimsearuiḃ cinnte, do réir mar do aiṫin Mordecai an Iúduiġ agus Ester an ḃainrioġan díoḃ, agus mar do órduiġeadar air a son féin agus air son a síl, aḋḃar a ttroisge agus a ngearáin.

³² Agus do ḋaingniḋ órduġaḋ Ester na cúisesi an Ṗúrim; agus do scríoḃaḋ annsa leaḃar é.