Ecclesiastes 1 - An Bíobla Naoṁṫa 1817 (Bedell)

Caibidil I. An dioṁaóineas agus an mioṫaitneaṁ atá a móran deólus agus doibriġṫiḃ ḋaóine.

¹ Briaṫra an tseanmontuiġ, mac Ḋáiḃi, ríġ Ierusalem.

² Díoṁaóineas na ndíoṁaóineas, ar an seanmontuiġ, díoṁaóineas na ndíoṁaóineas; is dioṁaóineas a nuile ní.

³ Cred an tarḃa atá ag duine iona uile ṡaoṫar do ní sé fan ngréin?

⁴ ¶ Imṫiġiḋ ginealaċ, agus ṫig ginealaċ oile: aċt fanuiḋ an talaṁ go siorruiḋe.

⁵ Eírġiḋ an ġrían fós, agus ṫéid an ġrían faói, agus deiṫfriġiḋ sé gus a náit as ar éiriġ sé.

⁶ Ṫéid an ġaóṫ leaṫ ris an ttáoḃ ó ḋeas, agus fillíḋ sí fa gcuáirt ċum an tuáisceirt; iománuiġsí timċioll fa gcuáirt do ġnáṫ, agus iompoiġiḋ an ġáoṫ aris do réir a cúarta.

⁷ Rioṫuid na huile ṡroṫa ċum na fairge; giḋeaḋ ní ḃí a nfairge lán; as a náit a ttangadar na sroṫa, ċuigesin fillid a rís.

⁸ Atáid na huile neiṫe lán do ṡáoṫar, ní ḟéadann duine a innisin: ní sástar an tsúil se faicsin, nó an ċlúas le cluinsion.

⁹ ¶ An ní do ḃí, sé sin an ní ḃías; agus an ní do rinneaḋ sé sin an ní do ḋeantar: agus ní ḃfuil ní núaḋ ar biṫ fán ngréin.

¹⁰ An ḃfuil ní ar biṫ re ar féidir a ráḋ, Féuċ, atá so núaḋ? do ḃí sé ann ċeana ón tseanaimsir, do ḃí roṁuinn.

¹¹ Ní ḃí cuiṁne ar biṫ ar na seinneiṫiḃ; ní mó ḃías cuiṁne ar na neiṫiḃ atá ag teaċt ag an dream ṫiucfas na ndiaiġ.

¹² ¶ Misi an seanmontuiġ do ḃí mé am ríġ air Israel ann Ierusalem.

¹³ Agus ṫug mé mo ċroiḋe do spíonaḋ agus díarruiḋ eagna a ttáoḃ gaċ aoinneiṫe da ndéantar fáoi neaṁ: ṫug Día an saoṫar doilġe so do ṁacaiḃ an duine dá mbuáiḋreaḋ leis.

¹⁴ Do ċonnairc mé na huile oibreaċa dá ndéarnaḋ fán ngréin; agus, féuċ, is díoṁaóin uile íad agus buáiḋreaḋ spioraide.

¹⁵ An ní atá cam ní héidir a ḋéanaṁ díreaċ: agus an ní atá duireasḃuiġ ni héidir a áireaṁ.

¹⁶ Do ċoṁráiḋ mé rem ċróiḋe féin, ġa ráḋ, Féuċ, ṫáinic mé ċum táḃaċta móire, agus is mó fuáir mé deagna ná a ttáinic roṁam uile an Ierusalem: do ċonnairc mo ċroiḋe fós, mórán gliocuis agus eagna.

¹⁷ Agus ṫug mé mo ċroiḋe dfaġáil éolus na heagna, agus daiṫne buile agus leiṁe: do ṫuig mé gur ḃuáiḋreaḋ spioraide so mar an gcéadna.

¹⁸ Oír bí iomarcaiġ doilġis a niomarcuiġ na heagna: agus an té ṁéuduiġios éolus méaduiġ sé dóḃrón.