2 Peadar 1 - An Bíobla Naoṁṫa 1817 (Bedell)

Caibidil I An toġa do ḋeanaṁ cinnteaċ ḋóiḃ féín, tre ṡúḃailce Ċríosd do leanṁuin; 16 neaċ do ḋearḃaḋ na Ṁac Dé, ó na habsdaluiḃ, ón Aṫar, agus ó na fáiġiḃ.

¹ Siomon Peadar, searḃḟóġantuiġ agus absdal Iósa Críosd, ċum na druinge fúair creideaṁ coṁmórluáiḋ rinne tré ḟiréuntaċd ar Ndé agus ar slánaiġṫeóra Iósa Críosd:

² Grása agus síoṫċain go ro líónṁar maille ríḃ tré eólas Dé, agus Iósa ar Dtíġearna,

³ Mar do ṫioġluic a ċúṁaċd díaġasan na huile neiṫe ḋuinne ḃeanas ré beaṫa agus ré díaġaċd, tré eólas an tí do ġoir sinn ċum glóire agus súḃailce:

⁴ Tré a dtug sé ḋúinn geallaṁnaċa ró ṁóra morluáiḋ: ionnus go mbíaḋ ṫríṫeaḋ so cumann aguiḃ ris a nádúir ḋíaġa, ar mbeiṫ ḋiḃ ag seaċna an truáilliḋe atá sa tsáoġal tré ainṁían.

⁵ Agus fós, ar ndéunaṁ na huile ḋúṫraċda ḋíḃse ṡá ṫáoḃ so, cuiriḋ súḃailciḋe ré ḃur gcreideaṁ; agus eólas ré ḃur súḃailciḋiḃ;

⁶ Agus measarrġaċd ré ḃur neólas; agus foiġid ré ḃur measarrġaċdl; agus díaġaċd ré ḃur ḃfoiġid;

⁷ Agus cáoineas bráiṫreaṁuil ré ḃur ndíaġaċd; agus gráḋ re ḃur gcáoineas.

⁸ Oír ma ḃíonn na neiṫese eadruiḃ, agus iad ag líonaḋ, do ḃéuruid oruiḃ gan ḃeiṫ díoṁáoin na naṁṫórṫaċ a neólas ar Dtíġearna Iósa Críosd.

⁹ Oír an tí atá gan na neiṫese aige atá sé dall, agus ní léir ḋó ní ar biṫ a ḃfad úaḋ, ar na ḋearmud dó gur glanaḋ é ó na ṡeanṗeacuiġiḃ.

¹⁰ Uime sin a ḋearḃráiṫre, go maḋ móide ḋéunad diḃ dúṫraċd, ré ḃur ngairm agus re ḃur dtoġa do ḋéunaṁ diongṁalta: óir má ní siḃ na neiṫese, ni ḃfuiġe siḃ leagaḋ ċoiḋċe:

¹¹ Oír as áṁluiḋ so ġeaḃus siḃ go fairsing sliġe ré dul a steaċ a rioġaċd ṡiorruiḋe ar Dtíġearna agus ar Slánaiġṫeóra Iósa Críosd.

¹² Ar a naḋḃarsa ní ḋéuna mé faílliḋe ré ḃeiṫ ag síorċuir na neiṫeannsa a gcuiṁne ḋíḃ, bíoḋ go ḃfuil siḃ iúlṁar, agus daingean sa ḃfírinne atá a laṫair.

¹³ Aċd ċeana, measuim gur coir, an feaḋ ḃías mé sa mboiṫse, siḃse do ḋúsaċd ré ḃur gcur a gcoiṁne;

¹⁴ Ar mbeiṫ a ḟeasa agum gur fogas daṁ ám sgáoilte mo ḃoiṫe, aṁuil fós do ṫaísbéin ar Dtíġearna Iósa Críosd ḋaṁ.

¹⁵ Agus fós do ḋéun mo ḋiṫċioll do ġnáṫ tair éis mimṫeaċd go maḋ héidir riḃse na neiṫese ċuiṁniuġaḋ.

¹⁶ Oír ní ag leanṁuin do sgéultuiḃ ealaḋanta fáḃuill do ḃámar, an tan do ḟoillsiġeamar ḋíḃse cúṁaċda agus teaċd ar Dtíġearna Iósa Críosd, aċd do ċonncamar ré ar súliḃ féin a ṁórġaċd.

¹⁷ Oír fuáir sé onóir agus glóir ó Ḋía Aṫar, an tan ṫáinic a ṡaṁuil so do ġúṫ ċuige ón nglóir ṁórġasin, Ag so mo Ṁac gráḋaċsa, ann a ḃfuil mo ḋeaġṫoil.

¹⁸ Agus do ċúalamairne an gúṫ sa ṫáinic ó neaṁ, ar mbeiṫ ḋúinn na ḟoċairsean ar a tslíaḃ náoṁṫa.

¹⁹ Agus atá aguinn bríaṫar na ḃfáiḋeaḋ as deiṁniġe ná sin; dana maiṫ do ní siḃ aire do ṫaḃairt, aṁuil do lóċrann ṡoillsiġeas a nionad ḋorċa go soillsiuġaḋ an láoi, agus go héirġe do réult na maiden ann ḃur gcróiḋṫiḃ:

²⁰ Ar mbeiṫ ḟios so aguiḃ ar tús naċ ḃfuil fáiḋeadóireaċd ar biṫ don sgriobtúr ó eidirṁíniuġaḋ ṫig ó ḋuine féin.

²¹ Oír ní réir ṫola duine ṫáinic an ḟáiḋeadoireaċd a nallód: aċd do laḃráidís dáoine náoṁṫa Dé do réir mar do seóltuiġe íad ón Spiorad Náoṁ.