St. Mark 16 - Ootech oochu Takehniyatinkles St. Mark 1886

Tghachyestla keneti edzetaiti matgha.

¹ Kwa Menejitti Dzinee kawohtzut tsi, Mary Magdalene, kahchu Mary James ma kahchu Salome, ataghaghila yu natunetgha tsehklutti, kwa yuhchighatatyel ate yu ihe kiyuhklukooh.

² Kwa o-ochi hatse hatlindo ooli hatse dzinee, koohnioonizutooh natine kwa otsighatestyetl sa niiya tsi.

³ Kwa toowe hlaghatati, Mea tsye yughail aoontye natine kwa tustla otsi?

⁴ Kwa koo ookahanehtghachi, oogha-ih tsye achuhchi nichunihailo: o-ochi ghinchai ihe.

⁵ Kwa kweghaghintyetlooh natine kwa oota, kiya-ih ehlaiti uskye noohtichintye chisinchi sata, tasata natyesooh makestue takulooh; kwa oonighanintyetl.

⁶ Kwa toowe yehti, Atu oonighahtyel: Minkhanatgha Jesus Nazareth otsi tatyezutti, klaniai nichanihtyiii: tsitike ghinta-ih; atu chode ali: nea nighanihtyintiii.

⁷ Ahwole ootahtah, yaotatichne tatahtih Peter chu naghaghadesha Galilee tsi: ayiti wahiiissi, naghatatyakehe.

⁸ Kwa kwete khooghatastyetl, kahchu natine kwa otsi tsintestyetl; yaghatilonlon ihe kahchu khaooghali ihe: kahchu atuline atula kehe akiyehti; oonighanintyetlon ihe.

⁹ Kootoo Jesus niiyaii kwete hatse dzine tsiwatselhu, hatse yuhniya Mary Magdalene, ayi taiuchi atsinde metselihi yazi otsi hayateha-ii.

¹⁰ Kwa yatatilon ayine yehkyatehchiine, tsukye atu yaghita zahtgha kahchu ghutsakooh.

¹¹ Ooh ahatane, ooghatitsuk tsi ghata, kahchu ya-ilon atu a kooghati.

¹² Ayi keh yuhniya achu akehe onketye aghatane ihe, ghataihlu zahtgha, achu tike tsi otsighataihlu.

¹³ Kwa kitati achune: kahchu ama kiyehti ayine.

¹⁴ Atyechi yuhniya keneti ehlaiti matgha aline ghiskye eghehta ootye, kwa yachiotatyech majih oontooei kha kahchu yadzye natsutti kha, atu a kiyuti ihe ayi yakehtghaii tsitike nesta.

¹⁵ Kwa toowe yehti, Otsitahtyel tike okehe, kahchu matatahti otich oochu anetye tane.

¹⁶ Ayi a kootyeti kahchu tumakechaghinkliti nachawohtyezi; ahwole yaghi atu a kootyeti chahta chuleesi.

¹⁷ Kahchu tidi yachanahai yakeh ootoohsitassi ayine a kootine; Sindizi ihe kehchi ghakitoolelassi atsinde metselihi; ooghatootyehchassi atsoodi koondi ihe;

¹⁸ Nootuze nighatoohtyelassi; oolita tughato ate chu azetse ahi, atu kootoohtihassi; kikatootiassi yatitihne, kwa oochu nakiyaoohteissi.

¹⁹ Kwa Naghaghatai sakyedesutooh, yatai otsi nichatihtyi, kahchu sata-ih Nagha Tgha noohtichintye.

²⁰ Ahwole achughatestyetl, tike okehe tane chiwoghatihi ihe, Naghaghatai kahkeooghatihchoo, kahchu sa natsut oola kaootsooli chu intghaninkhi. Amen.