St. Mark 15 - Ootech oochu Takehniyatinkles St. Mark 1886

Tghachyestla keneti hlahcheti matgha.

¹ Kwa kwete hatlindo aoocha taneghaotatyehchi metihi tyiyine aghanetye ehlakehe tsiwohzon tsiwowatilh hoolya atitine chu adesklesne chu hlito aonetye gha tsiwoghatsihi ihe ayi chu, kwa Jesus tahkiyagheskluh, kahchu achukedehtyi, kwa kikahnihtyi, Pilate.

² Kahchu Pilate taoontya yehti, Nunila o-ochi koometihi tyiyi nalila Jewne gha? Kahchu ateyatetla toowehchu yehti, Kooh tintya oontye.

³ Kahchu taneghaotatyehchi metihi tyiyine chahte akiyehti ooli natlon ihe: ahwole atulakehe atyeta-i.

⁴ Kwa Pilate kahchu taoontya yehti, toowe ehtie, Atu lakehe atyetanatla la? nea taitya ooli ihe chahte anaghahti.

⁵ Ahwole Jesus zon atu la kehe atyeta-ih kwaka; kwa Pilate kawoolih.

⁶ Ooh ayi kwelachayihi ehlaiti yezookeh ninkho kwechehtyesne, ooli assine nioonunisit assine.

⁷ Ayiti hligi aliih Barabbas ooyeih, ihkahtah chaghesklu ayi yekatichii kwa akiyila indiootaunne, kootoo tane zehai ihe indiootatunne ayiti.

⁸ Kwa natlone ohtye oghatyesta tyi yatsi niooghanunisit kooh hakiyulihi gha kooh zon hakooyilai ihe.

⁹ Ahwole Pilate ateyatetla, toowe ehti ihe, Kooh kootahti la naghachituhsitisi Jewne o-ochi koometihi tyiyi?

¹⁰ Atawahtihi ihe taneghaotatyehchi metihi tyiyine yataghintsutti ihe mihe incho-otsa-i.

¹¹ Ahwole taneghaotatyehchi metihi tyiyine kichinaghatyeh tanene, otaihai koochitootsittih Barabbas.

¹² Kooh kahchu Pilate ateyatetla toowehchu yehti, Takootahtya aooslihasi kooh yachi o-ochi koometihi tyiyi Jewnu woyi?

¹³ Kahchu toowe hakehe oghatesta, Klaniaitih ninihtyeh.

¹⁴ Kahchu Pilate toowe ehti, Ye tahtye ketselihoo atyuntye? Kahchu ootailichi o-ochi oghatesta, Klaniaitih ninihtyeh.

¹⁵ Kwa Pilate tane gha kasootati chatupisha gha, yakahninooh Barabbas assi, kahchu Jesus taghinchut, yakhataghitoos, klaniai nichuhtyelu.

¹⁶ Kwa simakanisne otsighatelityi tsiwatyehli kwa, Praetorium wotsatiti; kwa tyechi kiyehti ihlakehe atghe simakanisne.

¹⁷ Kwa natunne taghaghintyi aghapai tatulli ihe, kahchu kiyesklu o-ochi metihi tyiyi chahte hoos chok chine ihe, kwa ita tsi gha ghiooh,

¹⁸ Kahchu tyi yila ooghatthoon toowe, Yea mehsuchanetyi, o-ochi kookaoonazut Jewne.

¹⁹ Kahchu nakidehul yetsi chokhaiye chok ihe, kahchu kikighizek, kwa yatsitaghatsunne ootooghanehzil yatsi nachusghataklih.

²⁰ Kahchu kiyachatyetl atghe tatulli nighadinchus, kwa yanatunne taghintyetl, kahchu ghooghatehtyi klaniai tih.

²¹ Kwa kitahnaghutsut ehlaiti Simon Cyrenian ali, ayi kwe noojai, tane natihti otsi hadesha, kootgha Alexander chu Rufus chu, tahchiyatyilyu klaniai.

²² Kwa nakiyintyi Golgotha tsi, ayi tsati, Atsitsunne ooli te.

²³ Kwa kiyayiooh tyewootoo chiche chok tu mathuchunihklito myrrh: ahwole atu niyadiooh.

²⁴ Kwa klaniai nikiyinti tsi yanatunne atatghahaistla kikaootehunni ihe, ye anetye teze nitioolola.

²⁵ Kahchu oolitah tghakooh mehooachanehoo awatazoo dzinee ooli klaniadi nikiyinti tsi.

²⁶ Kwa achatyesklesi ayiti otsi chahteachatei takehnichanikuchiih ookeh. o-ochi koometihi tyiyi jewne.

²⁷ Kahchu onkyetine chu klaniadi nighanihtye unoosine; ehlaiti noohtechintye, ooh hligi chu oosklaghazihtye.

²⁸ Achudesklessi tyiyi tikenikyih, kooh woti, Kahchu metseline kah kechanehtyeh.

²⁹ Ooh ayine kweghatilhne ayiti oontlochi kiye sootatyihch, taghatsi ghaghado, toowehchu ghati ihe, Gha, nuni chahta wonatla tyetachatlihi kwa tyiyi, kahchu aoonatla taiti dzinee,

³⁰ Aghatinta, kahchu yulichinootinta klaniai tsi.

³¹ Aghatane chu o-ochi taneghaotatyech metihi tyiyine ontlonchi akiyehti ihe toowe hlaghatati ihe adesklesne chu, Nayaghehta achune chu; atai koochati atu aghatatah.

³² Oonka Christ o-ochi koometihi tyiyi Israel kwa hoote klaniai tsi noodoojai, wowoti khai kahchu a kootahti. Oo ayi yakah klaniadi yakah atii yatalihlon.

³³ Kwa inchitakooh klodesha sa kehchi ehalai koonaooizutooh, hatleke aoochaii tike okehe kwa hlilon kalaketi klodesha sa kehchi ehalai.

³⁴ Kwa kalaketye sa kehchi ahalai klodesha, Jesus otyesta takaseneodi, toowe ehti ihe, Eloi, eloi, lama sabachthani? ayi tsati ihe Saghintai, Saghintai, yehoo gha sechanila aoontye.

³⁵ Ooh tahkine ieti nehyane, ooghatitsuk tsi, toowe ghati, Nea, Elias kawotih.

³⁶ Kahchu ehlaiti otsidehta, kahchu tsito yeatatih atihih tayatehman sootakan chiche tu ihe, kahchu nayiooh klokhayetgha, kahchu yayiooh tuwoto gha, toowe ehti ihe, Atu kinditaghaha; oonka oohwoti Elias nayaghintyi kha.

³⁷ Kahchu Jesus otyesta ohtye ati, kahchu matsinde kwa yecheli.

³⁸ Kwa ayi hlichatinkatii tyetachatlihi kwa otyiyi intyizon tghahkyehchi wotye cheghinchil yataihchi otis yiyue otsi.

³⁹ Kwa kootoo ayi simakunis metihi, ooghade nazutih, wa-i kooakehe otyesta, kahchu yatsinde yechelihooh, toowe ehti, tyewotye tune teze Nagha Tgha Chue ghilelon.

⁴⁰ Ayiti oohwiliiih tsegene chu tontyetsi otsi ookhaghanehtgha: atai chu iiti atiih Mary Magdalene, Mary chu ma James ooia etanoohlihi kahchu Joses, Salome chu;

⁴¹ (Aghatane chu, Galilee atichi, kikehtyeshaii, kahchu ooli kooyaalih ine;) achune chu natlone tsegoo yuhchi kooyehkyatehch ine Jerusalem tsi.

⁴² Kahkachi aoocha tsi, ayi ihe intyizon dzinee tsi watsehlu ayi dzinee Manejitti dzinee tsi ooli,

⁴³ Joseph Arimathaea otsi tazehlu, tsatincha tsiwatilh, atune chu ootakah ali Nagha Tgha nataghe, yuhchidesha, kahchu tadzye natsutih seooh Pilate kahkwiya, kahchu Jesus zi ootakyet.

⁴⁴ Kwa Pilate khawooli kwa tehtsalo ate: kwa simakanis metihi tyechi yehti, taoontya yehti tontyeto ghaite chu tehtsutiih.

⁴⁵ Kwa atawatih tsi simakanis metihi yatati, tazi ghiooh Joseph.

⁴⁶ Kwa ataghoola tsatache oochu takulle, kahchu nooyaghintyi, kahchu ayi tsatache ii ihe yehtoonehtich, kahchu niyanihtyi natine kwa oota tsyekas tayaghintyi, kahchu tsye otsiyehail toosklahchi natine kwa.

⁴⁷ Kwa Mary Magdalene kahchu Mary Joses ma oohwa-ih nichanihtyinti.