U-Isaya 4 - iBhayibhili Elingcwele 1978

¹ Abesifazana abayisikhombisa bazabamba indoda ibenye ngalolosuku, bathi: Sizakudla okwethu ukudla, sigqoke ezethu izigqoko. Asibizwe kuphela ngebizo lakho ukuze kuphele ihlazo lethu.

IJerusalema izakuba lodumo

² Ngalolosuku isihlahla seNkosi sizakuba sihle, sibe lodumo, lezithelo zelizwe zizakuba ligugu lodumo lwabaseleyo koIsrayeli.

³ Kuzakuthi bonke abaseleyo eZiyone, abatshiywe eJerusalema, bonke ababhaliweyo ogwalweni lokuphila, kuthiwe bangcwele,

⁴ lapho iNkosi isigezisile ingcekeza yabesifazana beZiyone, yahlambulula iJerusalema ngomoya wokwahlulela langomoya wokutshisa egazini elichithekele phakathi kwalo.

⁵ INkosi izakwenza phezu kwendawo yentaba yaseZiyone laphezu kwemihlangano yayo iyezi emini, lentuthu lokukhanya kwamalangabi omlilo ebusuku; ngoba phezu kwakho konke kuzakuba khona inkazimulo enjengesivikelo,

⁶ lomthunzi wokuvikela ukutshisa emini, lesiphephelo sokuvikela esivunguvungwini lezulu.