U-Ezra 8 - iBhayibhili Elingcwele 1978

Abahamba loEzra

¹ Laba bazinhloko zezindlu, isizukulwana salabo abasuka lami eBabiloni ngesikhathi sokubusa kukaAtakisekisi inkosi.

² Kumadodana kaFiniyasi uGerishomu. Kumadodana kaIthamari uDaniyeli. Kumadodana kaDavida uHathushi,

³ indodana kaShekaniya. Kumadodana kaParoshi uZekariya owayebalwe kanye labantu abalikhulu lamatshumi amahlanu.

⁴ Kumadodana kaPahathi‐Mowabi uEliyowenayi, indodana kaZerahiya, owayelabantu abangamakhulu amabili.

⁵ Kumadodana kaZathu uShekaniya, indodana kaJahaziyeli, owayelabantu abangamakhulu amathathu.

⁶ Kumadodana kaAdini uEbedi, indodana kaJonathani, owayelabantu abangamatshumi amahlanu.

⁷ Kumadodana kaElamu uJeshaya, indodana kaAthaliya, owayelabantu abangamatshumi ayisikhombisa.

⁸ Kumadodana kaShefathiya uZebadiya, indodana kaMikayeli, owayelabantu abangamatshumi aficaminwembili.

⁹ Kumadodana kaJowabi uObadiya, indodana kaJehiyeli, owayelabantu abangamakhulu amabili letshumi lesificaminwembili.

¹⁰ Kumadodana kaBani uShelomithi, indodana kaJosifiya, owayelabantu abalikhulu lamatshumi ayisithupha.

¹¹ Kumadodana kaBebayi uZekariya, indodana kaBebayi, owayelabantu abangamatshumi amabili lesificaminwembili.

¹² Kumadodana kaAzigadi uJohanani, indodana kaHakatani, owayelabantu abalikhulu letshumi.

¹³ Kumadodana kaAdonikamu, labo abafika muva amabizo abo ayengoElifeleti loJewuweli loShemaya, ababelabantu abangamatshumi ayisithupha.

¹⁴ Kumadodana kaBigivayi uUthayi loZabudi ababelabantu abangamatshumi ayisikhombisa.

¹⁵ Ngababuthanisa ngasemfuleni oya eAhava, samisa khona insuku ezintathu. Ekuhloleni kwami abantu labapristi kangifumananga loyedwa wamaLevi.

¹⁶ Ngasengibiza oEliyezeri loAriyeli loShemaya loElinathani loJaribi loElinathani loNathani loZekariya loMeshulamu, ababengamadoda amakhulu, loJoyaribi loElinathani ababengamadoda, aqedisisayo,

¹⁷ ngabathumela kuIdo, umuntu omkhulu waseKasifiya, ngabatshela lokho ababezakutsho kuye lakuzihlobo zakhe, inceku zasethempelini ezivela eKasifiya, ukuba basithumele izikhonzi zendlu kaNkulunkulu wethu.

¹⁸ Kwathi ngomusa kaNkulunkulu wethu esasilawo basithumela uSherebiya umuntu ohlakaniphileyo emadodaneni kaMahli kaLevi kaIsrayeli ekanye lamadodana akhe lezihlobo zakhe, belitshumi labantu abaficaminwembili,

¹⁹ kanye loHashabiya eloJeshaya owamadodana kaMerari lezihlobo zakhe lamadodana akhe bengamatshumi amabili,

²⁰ kanye lezinceku zasethempelini ezingamakhulu amabili lamatshumi amabili uDavida lezinduna zakhe ababezahlukanisele ukusebenzela amaLevi. Bonke babizwa ngamabizo abo.

²¹ Ngasengimemezela ukuzila ukudla khona ngasemfuleni iAhava ukuba sizithobe phambi kukaNkulunkulu wethu, sizicelele kuye indlela eqondileyo thina labantwana bethu lazo zonke impahla zethu.

²² Ngoba ngaba lenhloni ukucela enkosini ibutho labagadi bamabhiza ukusivikela ezitheni ekuhambeni kwethu; ngoba sasiyitshelile inkosi sathi: UNkulunkulu wethu ulabo bonke abamdingayo, lamandla lolaka lwakhe lumelana labo bonke abamdelayo.

²³ Ngakhoke sazila ukudla, samcela uNkulunkulu wethu ukusivikela ekuhambeni kwethu; wezwa ukucela kwethu.

²⁴ Ngasengikhetha abapristi abayizikhulu abalitshumi lambili oSherebiya loHashabiya, lezihlobo zabo ezilitshumi.

²⁵ Ngabalinganisela isiliva legolide lezitsha, okwakungumnikelo wendlu kaNkulunkulu wethu, okwakunikelwe yinkosi lezikhulu leziphathamandla zayo labakoIsrayeli bonke ababelapho;

²⁶ ngalinganisa amathalenta esiliva angamakhulu ayisithupha lamatshumi amahlanu, ngabanika, kanye lezitsha zesiliva ezilingene ikhulu lamathalenta, lamathalenta egolide alikhulu,

²⁷ lemiganu yegolide engamatshumi amabili elingene inhlamvu eziyinkulungwane, lezitsha ezimbili zethusi elikhazimulayo eliligugu njengegolide.

²⁸ Ngathi kibo: Lina lahlukaniselwe iNkosi kanye lezitsha lezi; isiliva legolide kungumnikelo wesihle eNkosini, uNkulunkulu wabokhokho benu.

²⁹ Kulondolozeni likugcine lize likuqhubele abapristi abayizikhulu lamaLevi lezinhloko zezindlu zakoIsrayeli eJerusalema phakathi kwezindlu zethempeli.

³⁰ Abapristi lamaLevi basebethatha isiliva legolide lezitsha, bakusa eJerusalema, endlini kaNkulunkulu wethu.

³¹ Sasukake ngasemfuleni iAhava ngosuku lwetshumi lambili lwenyanga yokuqala, saya eJerusalema. UNkulunkulu wethu wayelathi, wasivikela ekuhlaselweni yizitha lakulabo abasicathamelayo.

³² Safika eJerusalema, sahlala khona insuku ezintathu.

³³ Kwathi ngosuku lwesine, phakathi kwendlu kaNkulunkulu wethu, isiliva legolide lezitsha kwaqhutshezwa kuMeremothi umpristi indodana kaUriya eloEleyazare indodana kaFiniyasi kanye lamaLevi, oJozabadi indodana kaJeshuwa, loNowadiya indodana kaBinuwi.

³⁴ Konke kwabalwa kwalinganiswa, ubunzima bakho konke balotshwa ezingwalweni.

³⁵ Ngalesosikhathi labo ababebuyile ekuthunjweni banikela, kwaba ngumnikelo wokutshiswa kuNkulunkulu kaIsrayeli, inkunzi ezilitshumi lambili zinikelelwa uIsrayeli wonke, lezinqama ezingamatshumi aficamunwemunye lesithupha, lamawundlu angamatshumi ayisikhombisa lesikhombisa; banikela lempongo ezilitshumi lambili, zaba ngumnikelo wesono; konke lokhu kwaba ngumnikelo wokutshiselwa iNkosi uNkulunkulu.

³⁶ Banikeza lezimemezelo zenkosi kuzikhulu zenkosi lakubabusi belizwe elingaphetsheya komfula iYufrathi; bona basiza abantu lendlu kaNkulunkulu.