U-Ezra 2 - iBhayibhili Elingcwele 1978

Amabizo ababuya ekuthunjweni

¹ Nampa abantu belizwe ababuya ekuthunjweni kulabo ababethunjiwe nguNebukadineza inkosi yaseBabiloni, yabasa eBabiloni ababuyela eJerusalema lakoJuda, kwaba yilowo lalowo emzini wakibo.

² Bafika bekhokhelwa nguZerubabeli loJeshuwa loNehemiya loSeraya loRehelaya loMoridekayi loBilishani loMisipari loBigivayi loRehuma loBahana.

³ Nantu uluhlu lwabantu bakoIsrayeli. AbakoParoshi, babezinkulungwane ezimbili lekhulu lamatshumi ayisikhombisa lambili;

⁴ abakoShefathiya babengamakhulu amathathu lamatshumi ayisikhombisa lambili;

⁵ abakoAra babengamakhulu ayisikhombisa lamatshumi ayisikhombisa lanhlanu;

⁶ abakoPahathi‐Mowabi, ngitsho abendlu kaJeshuwa loJowabi, babezinkulungwane ezimbili lamakhulu aficaminwembili letshumi lambili;

⁷ abakoElamu babeyinkulungwane lamakhulu amabili lamatshumi amahlanu lane;

⁸ abakoZathu babengamakhulu aficamunwemunye lamatshumi amane lanhlanu;

⁹ abakoZakayi babengamakhulu ayisikhombisa lamatshumi ayisithupha;

¹⁰ abakoBani babengamakhulu ayisithupha lamatshumi amane lambili;

¹¹ abakoBebayi babengamakhulu ayisithupha lamatshumi amabili lantathu;

¹² abakoAzigadi babeyinkulungwane lamakhulu amabili lamatshumi amabili lambili;

¹³ abakoAdonikamu babengamakhulu ayisithupha lamatshumi ayisithupha lesithupha;

¹⁴ abakoBigivayi babezinkulungwane ezimbili lamatshumi amahlanu lesithupha;

¹⁵ abakoAdini babengamakhulu amane lamatshumi amahlanu lane;

¹⁶ abakoAteri, ngitsho bakoHezekiya, babengamatshumi aficamunwemunye lesificaminwembili;

¹⁷ abakoBezayi babengamakhulu amathathu lamatshumi amabili lantathu;

¹⁸ abakoJora babelikhulu letshumi lambili;

¹⁹ abakoHashuma babengamakhulu amabili lamatshumi amabili lantathu;

²⁰ abakoGibari babengamatshumi aficamunwemunye lanhlanu;

²¹ amadoda aseBetlehema ayelikhulu lamatshumi amabili lantathu;

²² amadoda aseNetofa ayengamatshumi amahlanu lesithupha;

²³ amadoda aseAnathothi ayelikhulu lamatshumi amabili lesificaminwembili;

²⁴ amadoda aseAzimavethi ayengamatshumi amane lambili;

²⁵ amadoda aseKiriyatharimi laseKefira laseBerothi ayengamakhulu ayisikhombisa lamatshumi amane lantathu;

²⁶ amadoda aseRama laseGeba ayengamakhulu ayisithupha lamatshumi amabili lanye;

²⁷ amadoda aseMikimasi ayelikhulu lamatshumi amabili lambili;

²⁸ amadoda aseBetheli laseAyi ayengamakhulu amabili lamatshumi amabili lantathu;

²⁹ amadoda aseNebo ayengamatshumi amahlanu lambili;

³⁰ abakoMagibishi babelikhulu lamatshumi amahlanu lesithupha;

³¹ abakoElamu omunye babeyinkulungwane lamakhulu amabili lamatshumi amahlanu lane;

³² abakoHarimi babengamakhulu amathathu lamatshumi amabili;

³³ abakoLodi labakoHadidi labakoOno babengamakhulu ayisikhombisa lamatshumi amabili lanhlanu;

³⁴ abakoJeriko babengamakhulu amathathu lamatshumi amane lanhlanu;

³⁵ abakoSenaha babezinkulungwane ezintathu lamakhulu ayisithupha lamatshumi amathathu.

³⁶ Nantu uluhlu lwabapristi. AbakoJedaya bendlu kaJeshuwa, babengamakhulu aficamunwemunye lamatshumi ayisikhombisa lantathu;

³⁷ abakolmeri babeyinkulungwane lamatshumi amahlanu lambili;

³⁸ abakoPashuri babeyinkulungwane lamatshumi amane lesikhombisa;

³⁹ abakoHarimi babeyinkulungwane letshumi lesikhombisa.

⁴⁰ Nantu uluhlu lwamaLevi. AbakoJeshuwa labakoKadimiyeli, usendo lukaHodaviya, babengamatshumi ayisikhombisa lane.

⁴¹ Nantu uluhlu lwabahlabeleli. AbakoAsafi babelikhulu lamatshumi amabili lesificaminwembili.

⁴² Nantu uluhlu lwabalindi bamasango. AbakoShaluma labakoAteri labakoTalimoni labakoAkubi labakoHatita labakoShobayi, bonke babelikhulu lamatshumi amathathu lesificamunwemunye.

⁴³ Nantu uluhlu lwezinceku zasethempelini. AbakoZiha labakoHasufa labakoTabhawothi

⁴⁴ labakoKerosi labakoSiyaha labakoPadoni

⁴⁵ labakoLebana labakoHagaba labakoAkubi

⁴⁶ labakoHagabi labakoShamilayi labakoHanani

⁴⁷ labakoGideli labakoGahari labakoReyaya

⁴⁸ labakoRezini labakoNekoda labakoGazama

⁴⁹ labakoUza labakoPaseya labakoBesayi

⁵⁰ labakoAsina labakoMewunimi labakoNefisimi

⁵¹ labakoBakibuki labakoHakufa labakoHarihuri

⁵² labakoBaziluthi labakoMehida labakoHarisha

⁵³ labakoBarkosi labakoSisera labakoTema

⁵⁴ labakoNeziya labakoHatifa.

⁵⁵ Nantu uluhlu lwenzalo yezinceku zikaSolomoni. AbakoSotayi labakoHasoferethi labakoPeruda

⁵⁶ labakoJahala labakoDarkoni labakoGideli

⁵⁷ labakoShefathiya labakoHathili labakoPokerethi‐Hazebayimi labakoAmi.

⁵⁸ Zonke inceku zasethempelini lenzalo yezinceku zikaSolomoni babengamakhulu amathathu lamatshumi aficamunwemunye lambili.

⁵⁹ Nampa abavela eTeli‐Mela laseTeli‐Harisha laseKerubi laseAdani laseImeri ababengelakutsho izindlu zaboyise, lokuba badabuka koIsrayeli yini;

⁶⁰ abakoDelaya labakoTobiya labakoNekoda babengamakhulu ayisithupha lamatshumi amahlanu lambili.

⁶¹ Phakathi kwabapristi kwakungabakoHobaya labakoHakozi labakoBarizilayi, owayethethe enye yamadodakazi kaBarizilayi waseGileyadi, wasebizwa ngebizo lawo.

⁶² Badinga amabizo abo oluhlwini lwabalotshiweyo ngezizukulwana, kodwa bawaswela; basebekhutshwa ebupristini, kwathiwa kabafanelanga.

⁶³ Umbusi wabatshela ukuba bangadli ukudla okungcwele, kuze kube khona umpristi wokubuza inkatho iUrimi leThumimi.

⁶⁴ Lonke ibandla selihlangene lalingabantu abazinkulungwane ezingamatshumi amane lambili lamakhulu amathathu lamatshumi ayisithupha,

⁶⁵ ngaphandle kwenceku lencekukazi zabo ezazizinkulungwane eziyisikhombisa lamakhulu amathathu lamatshumi amathathu lesikhombisa; babelabahlabeleli abesilisa labesifazana abangamakhulu amabili.

⁶⁶ Amabhiza abo ayengamakhulu ayisikhombisa lamatshumi amathathu lesithupha, lembongolo zabo zingamakhulu amabili lamatshumi amane lanhlanu;

⁶⁷ amakamela abo engamakhulu amane lamatshumi amathathu lanhlanu, labobabhemi babo bezinkulungwane eziyisithupha lamakhulu ayisikhombisa lamatshumi amabili.

⁶⁸ Ekufikeni kwabo endlini yeNkosi eJerusalema ezinye inhloko zezindlu zanikela ngesihle ukuba indlu yeNkosi yakhiwe endaweni yayo.

⁶⁹ Zanikela esikhwameni somsebenzi ngamandla azo inhlamvu zegolide ezizinkulungwane ezingamatshumi ayisithupha lanye, lamashekeli esiliva azinkulungwane ezingamakhulu amabili lamatshumi amahlanu, lezambatho zabapristi ezilikhulu.

⁷⁰ Abapristi lamaLevi kanye labanye abantu bahlala eJerusalema lendaweni eziseduze lalo; abahlabeleli labalindi bamasango lezinceku zasethempelini kanye labo bonke abanye abakoIsrayeli bahlala emizini yabo.