UJoshuwa 15 - iBhayibhili Elingcwele 1978

Ilizwe elanikwa isizwe sakoJuda

¹ Ilizwe lesizwe sakoJuda ngosendo lwaso lalifika eningizimu emngceleni waseEdoma, enkangala yaseZini ngaseningizimu.

² Umngcele walo waseningizimu wawusuka ngasekupheleni koLwandle lweTshwayi, ngaseningizimu kwalo,

³ uqonda eningizimu udlula umqanso waseAkirabimi, udlulela eZini; wasukhwela usuka eningizimu kweKadeshi‐Barneya, wagudla eHezironi waya eAdari, wasuphenduka eKarika,

⁴ waya eAzimoni, wafika esifuleni saseGibithe, waphelela olwandle. Lo wawuyiwo umngcele walo ngaseningizimu.

⁵ Umngcele wasempumalanga wawuluLwandle lweTshwayi, kusiya ekungeneni kweJordani. Umngcele wasenyakatho wasuka ngasolwandle, ekungeneni kweJordani,

⁶ waya ngaseBeti‐Hogila, wagudla enyakatho kweBeti‐Araba, wasukhwela uqonda ilitshe likaBohani indodana kaRubeni,

⁷ wasukela esihotsheni saseAkori waqonda iDebiri, wasuphendukela enyakatho uqonda elizweni maqondana lomqanso waseAdumimi, ngaseningizimu kwesihotsha; wasudlula usiya ngasemanzini aseEni‐Shemeshi, waphelela eEni‐Rogeli;

⁸ wasukhwela ngesihotsha saseBeni‐Hinomu usiya eningizimu kwewatha lamaJebusi, okutsho iJerusalema. Wasukhwela usiya engqongeni yentaba ekhangelene lesihotsha saseBeni‐Hinomu ngasentshonalanga, ngasenyakatho ekupheleni kwesihotsha saseRefayimi,

⁹ wasuka engqongeni yentaba waya emthonjeni wamanzi aseNefitowa, wasukela lapho waya emizini yasentabeni eEfroni; wasuphenduka uqonda eBala, okutsho iKiriyathi‐Jeyarimi,

¹⁰ wasuka ngasentshonalanga kweBala waya entabeni yaseSeyiri, wadlula waya ngasenyakatho kwentaba yaseJeyarimi, okutsho iKesaloni, wehlela eBeti‐Shemeshi, wadlula eTimina,

¹¹ wasuphuma uqonda iwatha lentaba ngasenyakatho kweEkroni, waphendukela eShikeroni, wadlula waqonda intaba yaseBala, waya eJabineli, wayaphelela ngasolwandle.

¹² Umngcele wasentshonalanga wawuluLwandle olukhulu. Yiwo lowo umngcele ogombolozele isizwe sakoJuda losendo lwaso.

UKalebi unqoba iHebroni leDebiri

¹³ Njengokulaya kweNkosi kuJoshuwa wamnika uKalebi indodana kaJefune isabelo phakathi kwabakoJuda, iKiriyathi‐Arba, okutsho iHebroni; uArba wayenguyise kaAnaki.

¹⁴ UKalebi waxotsha lapho amadodana amathathu kaAnaki, uSheshayi loAhimani loTalimayi.

¹⁵ Wasuka lapho wahlasela abaseDebiri; kuqala iDebiri kwakuthiwa iKiriyathi‐Seferi.

¹⁶ UKalebi wathi: Lowo ohlasela iKiriyathi‐Seferi, alithumbe, ngizamendisela uAkisa indodakazi yami.

¹⁷ UOthiniyeli indodana kaKenazi, umnawakhe kaKalebi, walithumba; uKalebi wasemendisela uAkisa indodakazi yakhe.

¹⁸ UAkisa ekufikeni kwakhe kuye wamncenga ukuba amcelele insimu kuyise; uAkisa wasesehla kubabhemi wakhe, uKalebi wathi kuye: Ukhala ngani na?

¹⁹ Yena wathi kuye: Akungiphe isipho, lokhu ungibeke elizweni elomileyo laseNegebi; ngiphe imithombo yamanzi. UKalebi wasemnika imithombo engaphezulu lengaphansi.

Imizi yesizwe sakoJuda

²⁰ Nanti ilizwe lesizwe sakoJuda ngosendo lwaso.

²¹ Imizi yesizwe sakoJuda eyayingasekupheleni kweNegebi kusiya emngceleni waseEdoma yile; iKabizeli leEderi leJaguri

²² leKina leDimona leAdada

²³ leKedeshi leHazori leIthinani

²⁴ leZifi leTelema leBeyalothi

²⁵ leHazori‐Hadatha leKeriyothi‐Hezironi, okutsho iHazori,

²⁶ leAmama leShema leMolada

²⁷ leHazari‐Gada leHeshimoni leBeti‐Peleti

²⁸ leHazari‐Shuwali leBerisheba leBiziyothiya

²⁹ leBala leIyimi leEzema

³⁰ leElitoladi leKesili leHorma

³¹ leZiklagi leMadimana leSansana

³² leLebayothi leShilihimi leEni‐Rimoni; iyonke ingamatshumi amabili leficamunwemunye lemizana yayo.

³³ EShefela yayiyile; iEshitawoli leZora leAshina

³⁴ leZanowa leEni‐Ganimi leTapuwa leEnama

³⁵ leJarimuthi leAdulamu leSoko leAzeka

³⁶ leSharayimi leAdithayimi leGedera leGederothayimi; iyonke ilitshumi lane lemizana yayo.

³⁷ Kukhona leZenani leHadasha leMigidali‐Gadi

³⁸ leDileyani leMizipe leJokitheli

³⁹ leLakishi leBozikathi leEgiloni

⁴⁰ leKaboni leLahimama leKitlishi

⁴¹ leGederothi leBeti‐Dagoni leNahama leMakeda; iyonke ilitshumi lesithupha lemizana yayo;

⁴² iLibina leEtheri leAshani

⁴³ leIfita leAshina leNezibi

⁴⁴ leKeyila leAkizibi leMaresha; iyonke ificamunwemunye lemizana yayo;

⁴⁵ iEkroni kanye lemizi yayo lemizana yayo.

⁴⁶ Kusukela eEkroni kusiya olwandle, yonke leyo yayiphansi kweAshidodi lemizana yayo;

⁴⁷ iAshidodi lemizi yayo lemizana yayo; iGaza lemizi yayo lemizana yayo; kusiya esifuleni saseGibithe, lasoLwandle olukhulu.

⁴⁸ Ezintabeni yayiyile; iShamiri leJatiri leSoko,

⁴⁹ leDana leKiriyathi‐Sana, okutsho iDebiri,

⁵⁰ leAnabi leEshitemowa leAnimi

⁵¹ leGosheni leHoloni leGilo; iyonke ilitshumi lanye lemizana yayo;

⁵² iArabi leDuma leEshani

⁵³ leJanimi leBeti‐Tapuwa leAfeka

⁵⁴ leHumta leKiriyathi‐Arba, okutsho iHebroni, leZiyori; iyonke ificamunwemunye lemizana yayo.

⁵⁵ IMayoni leKarmeli leZifi leJuta

⁵⁶ leJezereli leJokideyama leZanoya

⁵⁷ leKayini leGibeya leTimina; iyonke ilitshumi lemizana yayo.

⁵⁸ IHalihuli leBeti‐Zuri leGedori

⁵⁹ leMarathi leBeti‐Anothi leEltekoni; iyonke iyisithupha lemizana yayo. ITekowa leEfratha, okutsho iBetlehema, lePewori leEtamu leKulomu leTatama leSoresi leKarema leGalimi leBayitheri leManaki; iyonke ilitshumi lanye lemizana yayo;

⁶⁰ iKiriyathi‐Bali, okutsho iKiriyathi‐Jeyarimi, leRaba; imizi emibili lemizana yayo.

⁶¹ Enkangala yayiyile; iBeti‐Araba leMidini leSekaka

⁶² leNibishani, umuzi wetshwayi, leEngedi; iyonke iyisithupha lemizana yayo.

⁶³ Kodwa amaJebusi ayehlala eJerusalema abakoJuda behluleka ukuwaxotsha khona; ngakho amaJebusi asahlala labantu bakoJuda eJerusalema kuze kube lamhla.