UGenesisi 36 - iBhayibhili Elingcwele 1978

Inzalo kaEsawu

¹ Lezi yizizukulwana zikaEsawu onguEdoma.

² UEsawu wathatha abafazi kuwo amadodakazi kaKanani, uAda indodakazi kaEloni umHethi, loOholibama indodakazi kaAna, indodana kaZibeyoni umHivi,

³ loBasemathi indodakazi kaIshmayeli udadewabo kaNebayothi.

⁴ UAda wamzalela uEsawu uElifazi, loBasemathi wazala uRehuweli;

⁵ uOholibama wazala uJewushi loJalama loKora; lawo ngamadodana kaEsawu azalelwa elizweni laseKanani.

⁶ UEsawu wasethatha omkakhe lamadodana akhe lamadodakazi akhe, kanye labo bonke abendlu yakhe, lezinkomo zakhe lemfuyo yakhe yonke lempahla yakhe yonke abeyizuzile elizweni laseKanani, waya elizweni elikhatshana lomfowabo uJakobe.

⁷ Ngoba imfuyo yabo yayinkulu kakhulu bengelakuhlala ndawonye, lelizwe abebehlala kulo lahluleka ukubathwala ngenxa yezinkomo zabo.

⁸ UEsawu wakha entabeni yaseSeyiri; uEsawu unguEdoma.

⁹ Lezi yizizukulwana zikaEsawu uyise wabakoEdoma abahlala ngasentabeni yaseSeyiri;

¹⁰ la ngamabizo amadodana kaEsawu, uElifazi indodana kaAda umkaEsawu, loRehuweli indodana kaBasemathi umkaEsawu.

¹¹ Amadodana kaElifazi ayengoTemani loOmari loZefo loGatama loKenazi.

¹² UTimina wayengumfazi omncane kaElifazi indodana kaEsawu, wamzalela uElifazi uAmaleki; lawo ngamadodana kaAda umkaEsawu.

¹³ La ngamadodana kaRehuweli, uNahathi loZera loShama loMiza; lawo ngamadodana kaBasemathi umkaEsawu.

¹⁴ La ngamadodana kaOholibama indodakazi kaAna, indodana kaZibeyoni umkaEsawu; wamzalela uEsawu uJewushi loJalama loKora.

¹⁵ Lezi yizinduna emadodaneni kuEsawu; emadodaneni kuElifazi izibulo likaEsawu zazingoTemani loOmari loZefo loKenazi

¹⁶ loKora loGatama loAmaleki; lezo yizinduna ezivela kuElifazi elizweni lakoEdoma; bangamadodana kaAda.

¹⁷ La ngamadodana kaRehuweli indodana kaEsawu; ayizinduna uNahathi loZera loShama loMiza; lezi yizinduna ezivela kuRehuweli elizweni lakoEdoma; bona bangamadodana kaBasemathi umkaEsawu.

¹⁸ La ngamadodana kaOholibama, umkaEsawu; ayizinduna uJewushi loJalama loKora; lezi yizinduna ezivela kuOholibama, indodakazi kaAna, umkaEsawu.

¹⁹ Lawo ngamadodana kaEsawu onguEdoma, futhi labo babeyizinduna zawo.

Inzalo kaSeyiri

²⁰ La ngamadodana kaSeyiri umHori, ayakhe kulelolizwe, angoLotani loShobali loZibeyoni loAna

²¹ loDishoni loEzeri loDishani; laba babeyizinduna abadabuka kuwo amaHori, abantwana kabaSeyiri elizweni lakoEdoma.

²² Abantwana bakaLotani babengoHori loHemama; udadewabo kaLotani wayenguTimina.

²³ Laba babengabantwana bakaShobali, uAlivani loManahathi loEbali loShefo loOnama.

²⁴ Laba babengabantwana bakaZibeyoni, uAya loAna; nguye uAna owafumana imithombo yamanzi atshisayo enkangala alusile obabhemi bakaZibeyoni uyise.

²⁵ Laba babengabantwana bakaAna, uDishoni, loOholibama indodakazi kaAna.

²⁶ Laba babengabantwana bakaDishoni, uHemidani loEshibani loJitrani loKerani.

²⁷ Laba babengabantwana bakaEzeri, uBilihani loZahavana loAkani.

²⁸ Laba babengabantwana bakaDishani, uUzi loArani.

²⁹ Lezi yizinduna ezadabuka kuwo amaHori, zinguLotani loShobali loZibeyoni loAna

³⁰ loDishoni loEzeri loDishani; lezo yizinduna ezadakuba kuwo amaHori, izinduna ngezinduna elizweni laseSeyiri.

Amakhosi elizwe lakoEdoma

³¹ La ngamakhosi ayebusa elizweni lakoEdoma, abantu bakoIsrayeli bengakabuswa yinkosi.

³² UBela indodana kaBeyori wabusa eEdoma, ibizo lomuzi wakhe laliyiDinihaba.

³³ UBela wafa, uJobabi indodana kaZera waseBozira waba yinkosi esikhundleni sakhe.

³⁴ UJobabi wafa, loHushama owaselizweni lamaTemani waba yinkosi esikhundleni sakhe.

³⁵ UHushama wafa, loHadadi indodana kaBedadi owanqoba amaMidiyani emagcekeni aseMowabi waba yinkosi esikhundleni sakhe; ibizo lomuzi wakhe laliyiAvithi.

³⁶ UHadadi wafa, loSamila waseMasireka waba yinkosi esikhundleni sakhe.

³⁷ USamila wafa, loShawuli waseRehobothi ngasemfuleni waba yinkosi esikhundleni sakhe.

³⁸ UShawuli wafa, loBali‐Hanani indodana kaAkibori waba yinkosi esikhundleni sakhe.

³⁹ UBali‐Hanani indodana kaAkibori wafa, loHadari waba yinkosi esikhundleni sakhe; ibizo lomuzi wakhe laliyiPawu; ibizo lomkakhe lalinguMehetabeli indodakazi kaMatiredi indodakazi kaMezahabi.

⁴⁰ La ngamabizo ezinduna ezadabuka kuEsawu ngezimuli zazo, langendawo zazo, langamabizo azo, zazingoTimina loAliya loJethethi

⁴¹ loOholibama loEla loPinoni

⁴² loKenazi loTemani loMibizari

⁴³ loMagidiyeli loIrama; lezo yizinduna zikaEdoma ngokwakha kwabo elizweni elaliyilifa labo; uEsawu nguyise wabakoEdoma.