AmaNani 7 - iBhayibhili Elingcwele 1978

Iminikelo enikelelwayo ialtare

¹ Kwathi ngosuku uMose aqeda ngalo ukumisa iTabernakeli, waligcoba, walahlukanisela iNkosi, lempahla yalo yonke, lezitsha zalo zonke;

² izikhulu zakoIsrayeli, eziyizinhloko zezindlu lezikhulu zezizwe, ezazibusa labo ababalwayo,

³ zaletha iminikelo yazo eNkosini, inqola eziyisithupha ezembesiweyo lenkabi ezilitshumi lambili; ngazimbili zaletha inqola eyodwa, esinye lesinye saletha inkabi eyodwa; zaziletha phambi kweTabernakeli.

⁴ INkosi yasisithi kuMose:

⁵ Zamukele kuzo, ukuze zisetshenziswe enkonzweni yethente lokuhlangana, uzinike amaLevi, kulowo lalowo njengomsebenzi wakhe.

⁶ Ngakhoke uMose wathatha izinqola lezinkabi, wazinika amaLevi.

⁷ Wanika amadodana kaGerishoni inqola ezimbili lenkabi ezine, njengomsebenzi wawo;

⁸ lenqola ezine lenkabi ezificaminwembili wazinika amadodana kaMerari, njengomsebenzi wawo awenzayo ngokulaya kukaIthamari indodana kaAroni umpristi.

⁹ Kodwa amadodana kaKohathi kawanikanga lutho, ngoba wona anikwa umsebenzi wokulondoloza izinto ezingcwele ezimele ukuthwalwa emahlombe awo.

¹⁰ Izikhulu zanikela umnikelo wokwahlukaniselwa kwealtare ngosuku lokugcotshwa kwalo, zanikela umnikelo phambi kwealtare.

¹¹ INkosi yathi kuMose: Izikhulu zizanikela iminikelo yokwahlukaniselwa kwealtare, ziyinikele ngamunye ngamunye ngensuku ezilandelanayo.

¹² Owanikela ngomnikelo wakhe ngosuku lokuqala wayenguNashoni indodana kaAminadaba, owesizwe sakoJuda.

¹³ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

¹⁴ inkezo yegolide, ubunzima bayo bungamashekeli alitshumi, igcwele impepha;

¹⁵ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

¹⁶ impongo eyodwa ibe ngumnikelo wesono;

¹⁷ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lawawundlu amahlanu alomnyaka munye. Lokho kwakungumnikelo kaNashoni indodana kaAminadaba.

¹⁸ Ngosuku lwesibili uNethaneli indodana kaZuwari, isikhulu sakoIsakari, wanikela umnikelo.

¹⁹ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

²⁰ inkezo yegolide, ubunzima bayo bungamashekeli alitshumi, igcwele impepha;

²¹ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

²² impongo eyodwa ibe ngumnikelo wesono;

²³ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaNethaneli indodana kaZuwari.

²⁴ Ngosuku lwesithathu uEliyabi indodana kaHeloni, isikhulu sabantu bakoZebuluni, wanikela umnikelo.

²⁵ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

²⁶ inkezo yegolide, ubunzima bayo bungamashekeli alitshumi, igcwele impepha;

²⁷ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

²⁸ impongo eyodwa ibe ngumnikelo wesono;

²⁹ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaEliyabi indodana kaHeloni.

³⁰ Ngosuku lwesine uElizuri indodana kaShedewuri, isikhulu sabantu bakoRubeni, wanikela umnikelo.

³¹ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

³² inkezo yegolide, ubunzima bayo bungamashekeli alitshumi, igcwele impepha;

³³ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

³⁴ impongo eyodwa ibe ngumnikelo wesono;

³⁵ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaElizuri indodana kaShedewuri.

³⁶ Ngosuku lwesihlanu uShelumiyeli indodana kaZurishadayi, isikhulu sabantu bakoSimeyoni, wanikela umnikelo.

³⁷ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

³⁸ inkezo yegolide, ubunzima bayo bungamashekeli alitshumi, igcwele impepha;

³⁹ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

⁴⁰ impongo eyodwa ibe ngumnikelo wesono;

⁴¹ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaShelumiyeli indodana kaZurishadayi.

⁴² Ngosuku lwesithupha uEliyasafi indodana kaDehuweli, isikhulu sabantu bakoGadi, wanikela umnikelo.

⁴³ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

⁴⁴ inkezo yegolide, ubunzima bayo bungamashekeli alitshumi, igcwele impepha;

⁴⁵ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

⁴⁶ impongo eyodwa ibe ngumnikelo wesono;

⁴⁷ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kakungumnikelo kaEliyasafi indodana kaDehuweli.

⁴⁸ Ngosuku lwesikhombisa uElishama indodana kaAmihudi, isikhulu sabantu bakoEfrayimi, wanikela umnikelo.

⁴⁹ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

⁵⁰ inkezo yegolide, ubunzima bayo bungamashekeli alitshumi, igcwele impepha;

⁵¹ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa,

⁵² impongo eyodwa ibe ngumnikelo wesono;

⁵³ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaElishama indodana kaAmihudi.

⁵⁴ Ngosuku lwesificaminwembili uGamaliyeli indodana kaPedazuri, isikhulu sabantu bakoManase, wanikela umnikelo.

⁵⁵ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

⁵⁶ inkezo yegolide, ubunzima bayo bungamashekeli alitshumi, igcwele impepha;

⁵⁷ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

⁵⁸ impongo eyodwa ibe ngumnikelo wesono;

⁵⁹ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaGamaliyeli indodana kaPedazuri.

⁶⁰ Ngosuku lwesificamunwemunye uAbidani indodana kaGideyoni, isikhulu sabantu bakoBenjamini, wanikela umnikelo.

⁶¹ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bayo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

⁶² inkezo yegolide, ubunzima bayo bungamashekeli alitshumi, igcwele impepha;

⁶³ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

⁶⁴ impongo eyodwa ibe ngumnikelo wesono;

⁶⁵ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaAbidani indodana kaGideyoni.

⁶⁶ Ngosuku lwetshumi uAhiyezeri indodana kaAmishadayi, isikhulu sabantu bakoDani, wanikela umnikelo.

⁶⁷ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bayo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

⁶⁸ inkezo yegolide, ubunzima bayo bungamashekeli alitshumi, igcwele impepha;

⁶⁹ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

⁷⁰ impongo eyodwa ibe ngumnikelo wesono;

⁷¹ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaAhiyezeri indodana kaAmishadayi.

⁷² Ngosuku lwetshumi lanye uPagiyeli indodana kaOkirani, isikhulu sabantu bakoAsheri, wanikela umnikelo.

⁷³ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bayo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

⁷⁴ inkezo yegolide ubunzima bayo bungamashekeli alitshumi, igcwele impepha;

⁷⁵ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

⁷⁶ impongo eyodwa ibe ngumnikelo wesono;

⁷⁷ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaPagiyeli indodana kaOkirani.

⁷⁸ Ngosuku lwetshumi lambili uAhira indodana kaEnani, isikhulu sabantu bakoNafitali, wanikela umnikelo.

⁷⁹ Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bayo bungamashekeli angamatshumi ayisikhombisa, ngokweshekei lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

⁸⁰ inkezo yegolide, ubunzima bayo bungamashekeli alitshumi, igcwele impepha;

⁸¹ inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

⁸² impongo eyodwa ibe ngumnikelo wesono;

⁸³ okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaAhira indodana kaEnani.

⁸⁴ Lezizinto zaziyiminikelo eyanikelwa yizikhulu zakoIsrayeli, ziyiminikelo yokwahlukaniselwa kwealtare ngosuku lokugcotshwa kwalo. Kwanikelwa imiganu yesiliva elitshumi lambili, lemiganu yokuchela yesiliva elitshumi lambili, lenkezo zegolide ezilitshumi lambili;

⁸⁵ ubunzima balowo lalowomganu babungamashekeli alikhulu lamatshumi amathathu; ubunzima balowo lalowomganu wokuchela babungamashekeli angamatshumi ayisikhombisa; ubunzima besiliva sonke salezizinto babungamashekeli azinkulungwane ezimbili, lamakhulu amane, ngokweshekeli lendlu engcwele.

⁸⁶ Kwanikelwa lezinkezo zegolide ezilitshumi lambili, zigcwele impepha; ubunzima baleyo laleyonkezo babungamashekeli alitshumi ngokweshekeli lendlu engcwele; ubunzima begolide lonke lezinkezo babungamashekeli alikhulu lamatshumi amabili.

⁸⁷ Zonke izifuyo zomnikelo wokutshiswa zaziyizinkunzi ezilitshumi lambili, lenqama ezilitshumi lambili, lamawundlu alitshumi lambili alomnyaka munye, kanye lomnikelo wempuphu oqondene lalezo; lempongo ezilitshumi lambili zomnikelo wesono.

⁸⁸ Zonke izifuyo zomhlatshelo weminikelo yokuthula zaziyizinkunzi ezingamatshumi amabili lane, lenqama ezingamatshumi ayisithupha, lempongo ezingamatshumi ayisithupha, lamawundlu angamatshumi ayisithupha alomnyaka munye. Lokho kwakungumnikelo wokwahlukaniselwa kwealtare, emva kokugcotshwa kwalo.

⁸⁹ Lapho uMose engena ethenteni lokuhlangana ukukhuluma leNkosi, wezwa ilizwi likhuluma, livela ngaphezu kwesihlalo somusa esisemtshokotshweni wobufakazi, ngaphakathi kwamakherubi amabili; lakhuluma kuye.