AmaHubo 64 - iBhayibhili Elingcwele 1978

Umkhuleko wokucela ukuvikelwa ezitheni

¹ Nkulunkulu, zwana ilizwi lami ekukhulekeni kwami, ulondoloze ukuphila kwami ekwesabeni isitha;

² ungifihle emacebeni afihliweyo ababi, lasekucebeni kwabenza okubi,

³ abalola izinlimi zabo kungathi balola imihedla, bacibe ngamazwi ababayo kungathi baciba ngemitshoko,

⁴ ukuba bamjume ongelacala, bamdumele bengelakwesaba.

⁵ Bakhuthazana ecebeni labo elibi, bekhuluma ngokuthiya, besithi: Ngubani ongasibona na?

⁶ Baceba izenzo ezimbi besithi: Silenzile icebo elihle. Ngoba ingqondo lenhliziyo yomuntu izikile.

⁷ Kodwa uNkulunkulu uzakubaphosa ngemitshoko yakhe, bagwazwe ngokuphangisa.

⁸ Ngenxa yamazwi abo uzakubalethela ukuchitheka; bonke abababonayo bazakunikina amakhanda abo.

⁹ Bonke abantu bazakutshaywa luvalo, batshumayele izenzo zikaNkulunkulu, banakane ngalokho akwenzileyo.

¹⁰ Olungileyo uzajabula eNkosini, aphephele kuyo; bonke abaqotho ngenhliziyo bazayidumisa.