AmaHubo 63 - iBhayibhili Elingcwele 1978

Ukulangatha uNkulunkulu

¹ Nkulunkulu, wena unguNkulunkulu wami, ngiyakukudinga, umphefumulo wami womela wena, lomzimba wami uyakomela njengelizwe elomileyo lapho kungelamanzi khona.

² Ngithanda ukukukhangela endaweni engcwele, ngibone amandla akho lobukhosi bakho.

³ Uthando lwakho olungapheliyo lungcono kulokuphila; umlomo wami uzakukudumisa.

⁴ Ngizakukubonga ngisaphila, ngiphakamise izandla zami, ngikhuleke ebizweni lakho.

⁵ Umphefumulo wami uzakusutha kungathi usuthi umnkantsho lamahwahwa, lomlomo wami uzakukudumisa ngezingoma ezithabisayo.

⁶ Lapho ngikhumbula wena ekulaleni kwami, ngicabanga ngawe emilindweni yasebusuku.

⁷ Ngoba ungisizile, emthunzini wamaphiko akho ngiyahlabela ngithokoza.

⁸ Umphefumulo wami ubambelele kuwe, lesandla sakho sokunene siyangiqinisa.

⁹ Kodwa abafuna ukungibulala bazakwehliselwa enzikini yomhlaba.

¹⁰ Bazakunikelwa ukubulawa, babe yisabelo samakhanka.

¹¹ Kodwa inkosi izakuthokoza kuNkulunkulu, bonke abafunga yena bazakujabula; kodwa imilomo yabaqamba amanga izakuvalwa.