AmaHubo 56 - iBhayibhili Elingcwele 1978

Ukuthemba kuNkulunkulu

¹ Nkulunkulu, woba lomusa kimi, ngoba abantu bafuna ukungifihliza; usuku lonke izitha ziyangicindezela;

² usuku lonke izitha zami zifuna ukungifihliza, ngoba zinengi ezilwa lami ngokuzikhukhumeza.

³ Lapho ngisesaba, ngiyathemba wena.

⁴ KuNkulunkulu olizwi lakhe engilidumisayo, kuNkulunkulu ngiyathemba ngingesabi. Umuntu angenzani kimi na?

⁵ Usuku lonke bazama ukona indaba yami; imicabango yabo yonke imelana lami ngokubi.

⁶ Bayabuthana, bagugube, baqaphelise izinyathelo zami, bezingela ukuphila kwami.

⁷ Baphindisele ngokubi kwabo; ekuthukutheleni badilizele phansi abantu, Nkulunkulu.

⁸ Ukuhlupheka kwami ukubalile; thana izinyembezi zami embizeni yakho; kazikho encwadini yakho na?

⁹ Ng’khona izitha zami zizakuxotshwa mhla ngikhulekayo. Ngiyakwazi lokhu ukuthi uNkulunkulu ulami.

¹⁰ KuNkulunkulu olizwi lakhe engilidumisayo, eNkosini elizwi layo engilidumisayo,

¹¹ KuNkulunkulu ngiyathemba ngingesabi. Umuntu angenzani kimi na?

¹² Nkulunkulu, izithembiso zami kuwe ngizakuzigcwalisa; ngizakunikela kuwe iminikelo yokubonga.

¹³ Ngoba uwukhulule umphefumulo wami ekufeni, lenyawo zami ekuweni, ukuze ngihambe phambi kukaNkulunkulu ekukhanyeni kwabaphilayo.