AmaHubo 20 - iBhayibhili Elingcwele 1978

Umkhuleko wokucela ukunqoba

¹ INkosi ikuphendule osukwini lokuhlupheka; ibizo likaNkulunkulu kaJakobe likuvikele.

² Ikuthumele usizo oluvela endaweni engcwele, ikusekele ngamandla aseZiyone.

³ Kayikhumbule yonke iminikelo yakho, ithokoziswe ngumnikelo wakho wokutshiswa.

⁴ Ikunike isifiso senhliziyo yakho, iphumelelise lonke icebo lakho.

⁵ Simemeze ngokuthokoza ekunqobeni kwakho, ebizweni likaNkulunkulu wethu siphakamise isibonakaliso sokunqoba! INkosi iphelelise konke ukucela kwakho.

⁶ Sengisazi ukuthi iNkosi izakumsiza ogcotshiweyo wayo, imphendule isezulwini layo elingcwele ngezenzo ezilamandla zokunqoba ngesandla sakhe sokunene.

⁷ Abanye bathemba inqola zokulwa, abanye bathemba amabhiza, kodwa thina sithemba ibizo leNkosi uNkulunkulu wethu.

⁸ Bazakhothama bawe, kodwa thina sizasukuma sime.

⁹ Nkosi, nika ukunqoba enkosini, usiphendule lapho sikhuleka kuwe.