AmaHubo 13 - iBhayibhili Elingcwele 1978

Umkhuleko wokucela ukusizwa

¹ Nkosi, uzakungikhohlwa kuze kube nininini na? Koze kube nini ungifihlela ubuso bakho na?

² Koze kube nini ngifuthelwa emphefumulweni wami, ngibe losizi enhliziyweni yami emini lebusuku na? Koze kube nini isitha sami sibusa phezu kwami na?

³ Zwana ungiphendule, Nkosi, Nkulunkulu wami; khanyisa amehlo ami funa ngilale ubuthongo bokufa,

⁴ funa isitha sami sithi: Sengimahlule; funa abamelana lami bathokoze ngoba nginqotshiwe.

⁵ Kodwa ngiluthembile uthando lwakho olungapheliyo, lenhliziyo yami izakuthaba ngokukhulula kwakho.

⁶ Ngizakuyihlabelela iNkosi, ngoba ingenzele okuhle kakhulu.