AmaHubo 128 - iBhayibhili Elingcwele 1978

Ukubusiswa komuntu oqotho

¹ Babusisiwe bonke abayesabayo iNkosi, abahamba endleleni zayo.

² Ngoba uzakudla izithelo zomsebenzi wezandla zakho; uzakuba lenhlanhla uphumelele.

³ Umkakho uzakuba njengevini elithelayo phakathi kwendlu yakho, labantwana bakho bazakuba njengamahlumela eoliva etafuleni yakho.

⁴ Khangela, uzakubusiswa ngokunjalo umuntu oyesabayo iNkosi.

⁵ INkosi ikubusise iseZiyone, ubone ukuphumelela kweJerusalema insuku zokuphila kwakho konke,

⁶ ubone labantwana babantwana bakho. Ukuthula kakube phezu kukaIsrayeli!