AmaHubo 120 - iBhayibhili Elingcwele 1978

Umkhuleko wokucela ukukhululwa kubakhohlisi

¹ Ekuhluphekeni kwami ngakhuleka eNkosini, yangiphendula.

² Ngathi: Nkosi, ngikhulula kubo abaqamba amanga lakwabakhohlisayo.

³ Uzakunikwani, uzakwenziwani, wena okhohlisayo na?

⁴ Imitshoko ebukhali yeqhawe, lamalahle avuthayo!

⁵ Maye mina ngoba ngihlala koMesheki, ngihlala emathenteni aseKedari!

⁶ Bengihlezi isikhathi eside labo abazonda ukuthula.

⁷ Mina ngingowokuthula; kodwa lapho ngikhuluma ngakho, bakhetha ukulwa.