1 UJohane 1 - iBhayibhili Elingcwele 1978

Ilizwi lokuphila labonakaliswa ngoKristu

¹ Lokho okwakukhona kusukela ekuqaleni, esakuzwayo, sakubona ngamehlo ethu, lesakukhangelayo, lezandla zethu zakuphatha, kumayelana lelizwi lokuphila.

² Lokhokuphila kwabonakaliswa; sakubona, siyaqinisa silitshumayeza lokhukuphila okungapheliyo okwakukhona kuBaba, kwabonakaliswa kithi.

³ Lokho esikubonileyo sakuzwa, silitshumayeza khona lani, ukuze lani libe lokuhlanganyela lathi; thina silokuhlanganyela loBaba kanye leNdodana yakhe uJesu Kristu.

⁴ Sesiloba lezizinto ukuze ukuthokoza kwethu kuphelele.

Ukuhamba ekukhanyeni

⁵ Nanti ilizwi esilizwileyo kuye, esilitshumayeza lona elokuthi uNkulunkulu uyikukhanya, umnyama kawukho kuye lakanye.

⁶ Uba sisithi silokuhlanganyela laye sibe sisahamba emnyameni, silamanga, kasenzi iqiniso;

⁷ kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.

⁸ Uba sisithi kasilasono, siyazikhohlisa, leqiniso kalikho kithi.

⁹ Uba sivuma izono zethu, uthembekile yena, ulungile futhi, ngakho uzakusithethelela izono zethu, asihlambulule kukho konke ukungalungi.

¹⁰ Uba sisithi kasonanga, simenza abe ngumqambi wamanga, lelizwi lakhe kalikho kithi.