1 ImiLando 27 - iBhayibhili Elingcwele 1978

Izinduna zabantu

¹ Nanka amabizo abakoIsrayeli, inhloko zezindlu, abaphathi bezinkulungwane labamakhulu, lababhali babo, ababesebenzela inkosi emisebenzini yezigaba zabo; zona zazophisana inyanga ngenyanga ukusebenza kuwo wonke umnyaka. Leso lalesosigaba sasilabantu abazinkulungwane ezingamatshumi amabili lane.

² UJashobeyamu indodana kaZabidiyeli wayephethe isigaba sokuqala enyangeni yokuqala; esigabeni sakhe kwakulabantu abazinkulungwane ezingamatshumi amabili lane;

³ wayengowosendo lukaPerezi, eyinduna yabo bonke abaphathi bempi enyangeni yokuqala.

⁴ UDodayi wakoAhohi wayephethe isigaba sesibili senyanga; esigabeni sakhe kwakulabantu abazinkulungwane ezingamatshumi amabili lane.

⁵ Umphathi wesithathu enyangeni yesithathu wayenguBenaya indodana kaJehoyada umpristi omkhulu; esigabeni sakhe kwakulabantu abazinkulungwane ezingamatshumi amabili lane.

⁶ Yena uBenaya wayeliqhawe labangamatshumi amathathu, eyinduna yabo. UAmizabadi indodana yakhe wathatha isikhundla sakhe.

⁷ Umphathi wesine wayenguAsaheli umfowabo kaJowabi enyangeni yesine; walandelwa yindodana yakhe uZebadiya; esigabeni sakhe kwakulabantu abazinkulungwane ezingamatshumi amabili lane.

⁸ Umphathi wesihlanu enyangeni yesihlanu wayenguShamihuthi wakoIzira; esigabeni sakhe kwakulabantu abazinkulungwane ezingamatshumi amabili lane.

⁹ Umphathi wesithupha enyangeni yesithupha wayenguIra indodana kaIkheshi waseTekowa; esigabeni sakhe kwakulabantu abazinkulungwane ezingamatshumi amabili lane.

¹⁰ Umphathi wesikhombisa enyangeni yesikhombisa wayenguHelezi wasePeloni wakoEfrayimi; esigabeni sakhe kwakulabantu abazinkulungwane ezingamatshumi amabili lane.

¹¹ Umphathi wesificaminwembili enyangeni yesificaminwembili wayenguSibekayi umHushathi wakoZerahi; esigabeni sakhe kwakulabantu abazinkulungwane ezingamatshumi amabili lane.

¹² Umphathi wesificamunwemunye enyangeni yesificamunwemunye wayenguAbiyezeri waseAnathothi wakoBenjamini; esigabeni sakhe kwakulabantu abazinkulungwane ezingamatshumi amabili lane.

¹³ Umphathi wetshumi enyangeni yetshumi wayenguMahariyi waseNetofa wakoZerahi; esigabeni sakhe kwakulabantu abazinkulungwane ezingamatshumi amabili lane.

¹⁴ Umphathi wetshumi lanye enyangeni yetshumi lanye wayenguBenaya wasePirathoni wakoEfrayimi; esigabeni sakhe kwakulabantu abazinkulungwane ezingamatshumi amabili lane.

¹⁵ Umphathi wetshumi lambili enyangeni yetshumi lambili wayenguHelidayi waseNetofa wakoOthiniyeli; esigabeni sakhe kwakulabantu abazinkulungwane ezingamatshumi amabili lane.

¹⁶ Nanzi izinduna ezinkulu ezaziphethe izizwe zakoIsrayeli. KwabakoRubeni uEliyezeri indodana kaZikiri wayeyinduna enkulu. KwabakoSimeyoni kwakunguShefethiya indodana kaMahaka.

¹⁷ KwabakoLevi kwakunguHashabiya indodana kaKemuweli; koAroni kunguZadoki.

¹⁸ KwabakoJuda kwakunguElihu omunye wabafowabo bakaDavida. KwabakoIsakari kwakunguOmri indodana kaMikayeli.

¹⁹ KwabakoZebuluni kwakunguIshmaya indodana kaObadiya. KwabakoNafitali kwakunguJeremothi indodana kaAziriyeli.

²⁰ KwabakoEfrayimi kwakunguHosheya indodana kaAzaziya. Engxenyeni yesizwe sabakoManase kwakunguJoweli indodana kaPedaya.

²¹ Lakwenye ingxenye yesizwe zabakoManase eGileyadi kwakunguIdo indodana kaZekariya. KwabakoBenjamini kwakunguJahasiyeli indodana kaAbineri.

²² KwabakoDani kwakunguAzareli indodana kaJerohamu. Yibo labo ababezinduna zezizwe zakoIsrayeli.

²³ UDavida kabalanga labo ababengaphansi kweminyaka engamatshumi amabili, ngoba iNkosi uNkulunkulu yayithembise ukwenza abakoIsrayeli babe banengi njengezinkanyezi zaphezulu.

²⁴ UJowabi indodana kaZeruya waqalisa ukubala abantu, kodwa kabaqedanga. Ulaka lweNkosi uNkulunkulu lwehlela phezu kukaIsrayeli ngenxa yalokho, isibalo kasisalotshwanga engwalweni zendaba zenkosi uDavida.

²⁵ UAzimavethi indodana kaAdiyeli wayephethe inotho yenkosi; uJonathani indodana kaUziya wayephethe inotho eyayiselizweni eyemizi leyemizana leyezinqaba.

²⁶ UEzri indodana kaKelubi wayephethe labo ababesebenza emasimini belima.

²⁷ UShimeyi waseRama wayephethe izivini. UZabidi waseShefama wayephethe izithelo zezivini zokwenza iwayini.

²⁸ UBali‐Hanani waseGederi wayephethe izihlahla zamaoliva lezamaphane ezaziseShefela. UJowashi wayephethe izindlu zamafutha.

²⁹ UShitirayi waseSharoni wayephethe inkomo ezazisidla eSharoni. UShafati indodana kaAdilayi wayephethe inkomo ezazisezigodini.

³⁰ UObili wakoIshmayeli wayephethe amakamela; uJehideya waseMeronothi ephethe obabhemikazi;

³¹ uJaziri umHagiri ephethe izimvu. Bonke labo babengabaphathi bempahla zenkosi uDavida.

³² UJonathani, isihlobo sikaDavida, wayengumeluleki, eyindoda ehlakaniphileyo lombhali; yena loJehiyeli indodana kaHakimoni babephethe abantwana benkosi.

³³ UAhithofeli wayengumeluleki wenkosi, loHushayi waseArki wayengumngane wenkosi.

³⁴ UAhithofeli walandelwa nguJehoyada indodana kaBenaya languAbiyatha. UJowabi wayengumphathi wempi yenkosi.