1 ImiLando 25 - iBhayibhili Elingcwele 1978

Izigaba zabatshayi bezinto zokuhlabelela

¹ UDavida lezinduna zempi bahlukanisela inkonzo abanye bamadodana kaAsafi lakaHemani lakaJeduthuni ukuprofetha besizwa yimihubhe lamachacho lezigubhu. Nanka amabizo alaba ababezakuphatha linkonzo;

² emadodaneni kaAsafi kwakungoZakuri loJosefa loNethaniya loAsharela, bephethwe nguAsafi owayeprofetha ngokulaya kwenkosi.

³ Emadodaneni kaJeduthuni kwakungoGedaliya loZeri loJeshaya loShimeyi loHashabiya loMathithiya, beyisithupha, bephethwe nguyise uJeduthuni owayeprofetha esizwa ngumhubhe, bebonga bedumisa iNkosi.

⁴ Emadodaneni kaHemani kwakungoBukhiya loMathaniya loUziyeli loShebuweli loJerimothi loHananiya loHanani loEliyatha loGidaliti loRomamiti‐Ezeri loJoshibekasha loMaloti loHothiri loMahaziyothi.

⁵ Bonke laba babengamadodana kaHemani umboni wenkosi njengokuthembisa kukaNkulunkulu ukumphakamisa; ngoba uNkulunkulu wayemnikile uHamani amadodana alitshumi lane lamadodakazi amathathu.

⁶ Bonke babephethwe nguyise ekuhlabeleni ethempelini ngezigubhu langamachacho langemihubhe enkonzweni yendlu kaNkulunkulu. OAsafi loJeduthuni loHemani babengaphansi kwenkosi.

⁷ Ubunengi babo kanye labafowabo ababefundiswe ukuhlabelela iNkosi uNkulunkulu, bonke ababekwazi ukuhlabela, babengamakhulu amabili lamatshumi aficaminwembili lesificaminwembili.

⁸ Benza inkatho ngomsebenzi wabo, abancinyane labakhulu, abafundisayo labafundayo.

⁹ Inkatho yokuqala yadla uJosefa wakoAsafi; eyesibili yadla uGedaliya, lezihlobo zakhe lamadodana akhe belitshumi lambili;

¹⁰ eyesithathu yadla uZakuri, lamadodana akhe lezihlobo zakhe belitshumi lambili;

¹¹ eyesine yadla uIziri, lamadodana akhe lezihlobo zakhe belitshumi lambili;

¹² eyesihlanu yadla uNethaniya, lamadodana akhe lezihlobo zakhe belitshumi lambili;

¹³ eyesithupha yadla uBukhiya, lamadodana akhe lezihlobo zakhe belitshumi lambili;

¹⁴ eyesikhombisa yadla uAsharela, lamadodana akhe lezihlobo zakhe belitshumi lambili;

¹⁵ eyesificaminwembili yadla uJeshaya, lamadodana akhe lezihlobo zakhe belitshumi lambili;

¹⁶ eyesificamunwemunye yadla uMathaniya, lamadodana akhe lezihlobo zakhe belitshumi lambili;

¹⁷ eyetshumi yadla uShimeyi, lamadodana akhe lezihlobo zakhe belitshumi lambili;

¹⁸ eyetshumi lanye yadla uAzareli, lamadodana akhe lezihlobo zakhe belitshumi lambili;

¹⁹ eyetshumi lambili yadla uHashabiya, lamadodana akhe lezihlobo zakhe belitshumi lambili;

²⁰ eyetshumi lantathu yadla uShebuweli, lamadodana akhe lezihlobo zakhe belitshumi lambili;

²¹ eyetshumi lane yadla uMathathiya, lamadodana akhe lezihlobo zakhe belitshumi lambili;

²² eyetshumi lanhlanu yadla uJeremothi, lamadodana akhe lezihlobo zakhe belitshumi lambili;

²³ eyetshumi lesithupha yadla uHananiya, lamadodana akhe lezihlobo zakhe belitshumi lambili;

²⁴ eyetshumi lesikhombisa yadla uJoshibekasha, lamadodana akhe lezihlobo zakhe belitshumi lambili;

²⁵ eyetshumi lesificaminwembili yadla uHanani, lamadodana akhe lezihlobo zakhe belitshumi lambili;

²⁶ eyetshumi lesificamunwemunye yadla uMalothi, lamadodana akhe lezihlobo zakhe belitshumi lambili;

²⁷ eyamatshumi amabili yadla uEliyatha, lamadodana akhe lezihlobo zakhe belitshumi lamabili;

²⁸ eyamatshumi amabili lanye yadla uHothiri, lamadodana akhe lezihlobo zakhe belitshumi lambili;

²⁹ eyamatshumi amabili lambili yadla uGidaliti, lamadodana akhe lezihlobo zakhe belitshumi lambili;

³⁰ eyamatshumi amabili lantathu yadla uMahaziyothi, lamadodana akhe lezihlobo zakhe belitshumi lambili;

³¹ eyamatshumi amabili lane yadla uRomamiti‐Ezeri, lamadodana akhe lezihlobo zakhe belitshumi lambili.