1 ImiLando 23 - iBhayibhili Elingcwele 1978

¹ Kwathi uDavida esemdala eseluphele wamisa uSolomoni indodana yakhe ukuba abe yinkosi koIsrayeli.

Izigaba zabapristi lezamaLevi lemisebenzi yazo

² UDavida wasebuthanisa zonke izinduna zakoIsrayeli labapristi lamaLevi.

³ Kwabalwa amaLevi ayeleminyaka engamatshumi amathathu kusiya phezulu, aba zinkulungwane ezingamatshumi amathathu lesificaminwembili.

⁴ UDavida wakhetha ayizinkulungwane ezingamatshumi amabili lane ukuphatha umsebenzi weNkosi uNkulunkulu; ayizinkulungwane eziyisithupha ukuba yizinduna labahluleli;

⁵ ayizinkulungwane ezine ukuba ngabagcini bamasango; ayizinkulungwane ezine ukudumisa iNkosi ngezinto zokuhlabelela ayezenzele ukudumisa.

⁶ UDavida wawahlukanisa izigaba ezibizwa ngamabizo aboGerishoni loKohathi loMerari, amadodana kaLevi.

⁷ Amadodana kaGerishoni ayengoLadani loShimeyi.

⁸ Amadodana kaLadani ayemathathu engoJehiyeli, omkhulu wabo, loZethamu loJoweli.

⁹ Amadodana kaShimeyi ayengoShelomothi loHaziyeli loHarani, emathathu. La ayezinhloko zezindlu zakoLadani.

¹⁰ Amadodana kaShimeyi ayengoJahathi loZiza loJewushi loBeriya, emane.

¹¹ UJahathi wayengomkhulu elandelwa nguZiza; uJewushi loBeriya babengelabantwana abanengi, babalwa njengandlunye.

¹² Amadodana kaKohathi ayengoAmramu loIzihari loHebroni loUziyeli, emane.

¹³ Amadodana kaAmramu ayengoAroni loMose. UAroni wehlukaniselwa ukunikela izinto ezingcwele kakhulu kuNkulunkulu, ukuba yena lamadodana akhe batshise impepha phambi kweNkosi lokuyikhonza lokubusisa ngebizo layo kuze kube nininini.

¹⁴ Kodwa amadodana kaMose umuntu kaNkulunkulu abalelwa esizweni sakoLevi.

¹⁵ Amadodana kaMose ayengoGereshoma loEliyezeri.

¹⁶ Emadodaneni kaGereshoma uShebuweli wayengomkhulu.

¹⁷ Emadodaneni kaEliyezeri uRehabiya wayengomkhulu; uEliyezeri wayengelawo amanye amadodana, kodwa amadodana kaRehabiya ayemanengi kakhulu.

¹⁸ Emadodaneni kaIzihari uShelomothi wayengomkhulu.

¹⁹ Amadodana kaHebroni ayengoJeriya omkhulu, elandelwa nguAmariya, kulandele uJahaziyeli, kulandele uJekameyamu.

²⁰ Amadodana kaUziyeli ayengoMika omkhulu, elandelwa nguIshiya.

²¹ Amadodana kaMerari ayengoMahli loMushi. Amadodana kaMahli ayengoEleyazare loKishi.

²² UElayazare wafa engelamadodana, kodwa elamadodakazi kuphela endela emadodaneni kaKishi, izihlobo zawo.

²³ Amadodana kaMushi ayengoMahli loEderi loJeremothi, emathathu.

²⁴ Lawo ngamadodana kaLevi ngezindlu zawo, inhloko zezindlu, lalabo abaqanjwe ngamunye ngamabizo; ababeleminyaka engamatshumi amabili kusiya phezulu baphatha umsebenzi wenkonzo yethempeli.

²⁵ Ngoba uDavida wathi: INkosi, uNkulunkulu kaIsrayeli, ibanikile abantu bayo ukuthula, izakuhlala eJerusalema kokuphela.

²⁶ Kakusadingeki ukuba amaLevi athwale iTabernakeli lezinye izinto zenkonzo yalo.

²⁷ Ngoba njengokutsho kukaDavida kokucina amaLevi abhalwa kusukela kwaleminyaka engamatshumi amabili kusiya phezulu.

²⁸ Umsebenzi wawo wawuyikusiza amadodana kaAroni enkonzweni yethempeli, ukugcina amaguma lezindlu, lokuhlambulula zonke izinto ezingcwele, lokwenza eminye imisebenzi yethempeli,

²⁹ lokulungisa izinkwa ezahlukaniselwa uNkulunkulu lempuphu yomnikelo wempuphu, lezinkwa ezingelamvubelo, lezinkwa zokosiwa, lenhlama, lezilinganiso zonke.

³⁰ Azakuba khona insuku zonke ekuseni abonge adumise iNkosi, enze njalo lantambama,

³¹ langazo zonke izikhathi zokunikelwa komnikelo wokutshiswa eNkosini ngamaSabatha, langezikhathi zokuthwasa kwenyanga, langensuku zemikhosi, njengokumiswa kwenani lawo. Azakuwenzela iNkosi lumsebenzi kokuphela.

³² Azakugcina ithente lokuhlangana, lendlu engcwele, asize amadodana kaAroni izihlobo zawo, enkonzweni yethempeli.