အွန်လိုင်း သမ္မာကျမ်းစာ

Tsitè 3 - Bible Dzùùngoo Unicode

Polì ci Tsitè yè làtsii rìi sìn ɲɛynamoo rèè rà jìì saàn kàjaa tsɛ

¹ È taa to, ci yè e majàà kùntsii rèè ko fàan mòdzin neè rè. Yè è vu kun, yè bà ni tsuù goowùɔ sapɛ faa ɲan tsuù ɲàn.

² È mà mòò pɛn tsoo bara, yè kaà jɔun bo, yè bà mòdzin vunun ma dzi ì, kudɛyn è vunun mà yè bà ciɔn mòdzian sapɛ ka.

³ È ɲɛn à tsɛ, dan ɲe sa na mòdzin akiribɛy ì, mòdzin mabaunma ì, mòdzin firiuma ì. Ɲe na kur'la goo ɲaan ko dzibee goo kaatsià sapɛ re jòn. Ɲe na ni jaamabee rà ɲanbee ɲàn, ɲe jaàn yè bà na boò gèè sapɛ re. Ɲe kinin naà ni mòò rà dɛ, ɲe goo yè bà na xɔ e si mà.

⁴ Ŋà waatsi riì bwèy, mùn Tsibaa Ŋaablà re wùɔ ko à re kɛ̀nbààbee yè e kpadèu adamàdzin nèè kàjaa tsɛ,

⁵ à mùn tsiu. Àwà à na mùn tsi, mùn yɛ̀r'la rè faadzii wuu fauma kamà terenbe doùn dɛ, ŋà à yɛ̀r'la rè màtsur'la rìì kamà, à mùn tsiu. Tɔ fau è ɲɛn mùn fòoŋmaà tsɛ, mìn kere yeu, tà ko Ŋaablà re Dzi Fɛnɛɛ mùn laker'liì fau, mìn bà yeu.

⁶ Mùn Tsibaa Yesù Kirisà baraka rɔ̀n, à tɔ̀ Dzia jàaŋ mùn tsɛ giri.

⁷ Tɔ fau, gè riì ni à to, à kpàdèumaà ci mùn tereòn à ɲanwùɔ baraka rɔ̀n, mìn bà shɛnsenbaa ì, jaamabe dziù dòbɛɛ shɛɛ̀n, mùn si xɔ tɔ̀ niì tsɛ.

⁸ Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

⁹ Ŋà nìi sɔ̀swɛy gɔ̀r'leè, ko buruju gbaan goòmà rèè, ko kaa goòmà rèè, ko sàrìyaa tsɛ raa dziira sɔswɛɛ, twɛy jɔun bo. È ɲɛn à tsɛ, kùn na ni à ra, nàfa to na ni à ɲan.

¹⁰ Mòò riì mòdzian fi vyɛɛ̀, a y'a sarà à ra jaa soo, jaa fii, à jɛ̀ngɛ to.

¹¹ À tɔ̀ ci tɔ̀ mòdzìn kaatsià shia bàjiu, à ni gooɲaan nà, è bà kitsi mɛrɔɔn e yɛrɛ tsɛ.

Pol'lè goomaa lataan ko dzwɛɛ̀

¹² Min na Aritemasì tàmafa Tsishikì ka bè a re waatsi riì bwèy, a tabe na n ne Nikopolisì wɔ̀ rɔ̀n. È ɲɛn à tsɛ, m'a gaa min mùnkɛɛ̀ waatsia fa mɔn.

¹³ Àwà sàrìyaa tɔ̀baa Zenasì ko Apolɔsì rè jìɛ̀ doùn, a taa to è re cɛyn, gèsɔn pɛn mà nà è fɔn waa.

¹⁴ Mùn ne ɲɛynamoo rèè sa wù yè dɛ̀ɛ̀y goowuu faa rà, è sa yeè bà ni dzi e tsiì swey màgòò wùbè ge ì ka taama. Tà tsuru, è mà bà mòdzin ì, nàfa na ni nìì reè ɲàn waa.

¹⁵ Nìì reè ni mun ka mìin, è sapɛ wo tswàa. Nìì reè mùn dzunwɛynsi ɲɛynaà doùn, tswɛ̀y sin è ra. Arì she, Ŋaablà ɲanwùɔ yè bà ni e sapɛ tsɛ !

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ