အွန်လိုင်း သမ္မာကျမ်းစာ

Efɛsika reè 2 - Bible Dzùùngoo Unicode

Polì ci mùn tsià Ŋaablà ɲanwùɔ rìì baraka ɲan

¹ Àwà, è kòrò ye re fìrìgoo rèè ko ye re gooɲaan neè ka, ye na saɔn.

² Ye na ni twɛy goo tsu rèè ɲàn dan, ye yè bà na jìɛ è kòrò nèe dziɲan ree ko e kuntsiɛ̀ rè goo fau'n kur'la ka, nìi kwey rèè kùntsiɛ̀. Tɔ̀ dzia to bèe jɔun she, è faagoò fa mòdzin mabaunma rèè ɲàn Ŋaablà ma.

³ Ɲe sapɛ, ɲe sa na twɛy mòdzin neè kur'li. Ɲe sa na gɔɔ̀n kur'la goo ɲaan neè shi jiɛ dan, ɲe y'à sàɔ faa, ɲe yè e gban kɛ̀sɛmà ɲaan neè kpɛyn. Àwà, è ɲe to tà tsuru, Ŋaablà re vununtaà na ni ɲe sa tsɛ, a ci dzyee rèè.

⁴ Ŋà Ŋaablà ɲan màtsur'la blà è bà mùn kɛ̀niɔ̀n kɛ̀nbààbe brisi ka.

⁵ Tɔ̀ kamà, ɲe nìì reè na saɔn è ɲɛn ɲe re fìrìgoo rèè tsɛ, à ɲe bàu jaama ko Kirisà ka. À ɲanwùɔ rìì baraka ɲan, ye tsiɔ.

⁶ Yesù Kirisà ɲàn à ɲe kpunan bou saàn ɲàn esire, è ɲe tsùù jìrànxɔɔ̀ doùn esire à ka.

⁷ À tɔ̀ fau, è bà ni e ɲanwùù brisi dàn tɔ̀ bɛɛ kpàdè waatsi nakɔɔn doùn è kòrò à re wùɔ ka mùn kàjaa tsɛ, Yesù Kirisà ɲàn.

⁸ Àwà ye tsiɔ Ŋaablà ɲanwùɔ rìì baraka ɲan, ɲɛynaà saabu rɔ̀n. Tɔ̀ na boo ye yɛ̀r'leè ɲàn waa, à Ŋaablà re kwɛ̀y rii.

⁹ À na faadzii ì fyɛ̀ waa, gè riì ni à to mòò pɛn mà nà e yɛrɛ blabe.

¹⁰ È ɲɛn à tsɛ, ɲe Ŋaablà sifyɛ̀ɛ̀ rìì. À ɲe ɲɛun Yesù Kirisà ɲàn goowuu faa rìì kamà, à na tɔ̀ niì lamɔnɔ̀n tsùuŋnà nòn, mìn bà ni na à shi jiì.

Polì ci Kirisà ɲàn, Dzyèèsìbee mòdzin ko kun kpɛrɛ mòdzin sa bàu soo

¹¹ Àwà ye e taa to ci ye na kun kpɛrɛ dzin ì dan, è ɲɛn gɔɔ̀n tsɛ, Dzyèèsìbee mòdzin neè yè bà na ye kir'la ci shɛnbɛy reè, ye yè bà shɛunma rèè. Tɔ̀ to y'à tàrà, tɔ̀ shimaangoo na mòdzin si fyɛ̀ rìì è gɔɔ̀n ɲàn.

¹² Ye e taa to ci tɔ̀ waatsi rɔn, ye na Ŋaablà jaara modzìàn bɛy, ye nìn to naà ni Isirayɛlidzin neè ka waa. Ye na tɔnɔn ì Ŋaablà re dzyèèsìbe reè ko à re làyir'là kàjaa tsɛ. Siɲɛnma naà ni ye re waa, ye to na Ŋaabla bɛy ì dziɲan ree doùn.

¹³ Ŋà dòònuùn, è ye to Yesù Kirisà ɲàn, ye nìì reè dàn na gbàn Ŋaablà ra dan, Kirisà tsìɛn baraka rɔ̀n, ye tsyɛnbeu.

¹⁴ Àwà wò rii mùn ne jaanciàn. Dzyèèsìbee mòdzin sen ɲɛn kun kpɛrɛ mòdzin tsɛ, wò rii twɛy fiɛ̀ sa bau soo. Si kpɛynbee sin niì na ni è ko e si fi, è tɔ̀ ci à gɔɔ̀n sìunmaà baraka rɔ̀n.

¹⁵ À sàrìyaa dzugooma xɔù rèè mɛrɔun, à y'à shi kpadèuma rèè mɛɛy, gè riì ni à to è Dzyèèsìbee mòdzian ko kun kpɛrɛ mòdzian bà mòò sɔ̀n dzin soo yeu, jaancin yè bà ni è ko e si fi.

¹⁶ À yè è fiɛ̀ sa ba gɔn soo, è byɛ̀n dɔ̀n è ko Ŋaablà fi. Gbaàn gɔɔ̀ baraka rɔ̀n, è si kpɛynbee bo è ko e si fi peu.

¹⁷ Tà tsuru, ye nìì reè dàn na gbàn, à nàu jaanciàn Kunàgoo Dziɔ̀ gooma de ye ra, nìì reè tsyɛn, à y'à dè twɛy rà.

¹⁸ È ɲɛn à tsɛ, à baraka ɲan, mùn soo soo sapɛ dzia e kpɛrɛ̀ Fà Ŋaablà ra, à re Dzia soo baraka rɔ̀n.

¹⁹ Tà doùn, ye na tɔnɔn ì dɛ, ye to na gànè kpɛ̀rɛ̀ dzin ì dɛ. Ye ko Ŋaablà re mòò rèè sapɛ bàu a ci jàmààn sòò dzin ì, ye bàu Ŋaablà re gbàdòùndzin ì.

²⁰ Ye bàu gbà jiuma, kɛɛradzin neè ko kɛɛra reè nìi dzunbama, Yesù Kirisà yɛ̀r'la yè bà à nɔ̀nkɔ̀n kpaa.

²¹ Wò rii baraka ɲan gbàà ko e kur'la yè e si kuàn kpan, è koo, è bà ŋaablabegba fɛnɛ Tsìfaà rè.

²² Wò rii ɲàn sa, ye bàu ni gbà ree jiumaà ɲàn ko dzyee rèè ka, gbà nìi bàu Ŋaablà tsuùma, à re Dzia baraka rɔ̀n.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ