အွန်လိုင်း သမ္မာကျမ်းစာ

Tsìmotè jɔ̀naà 2 - Bible Dzùùngoo Unicode

Polì nìi dèu Ŋaabla mafyɛɛ̀n tsɛ

¹ Àwà, mun mòdzian màxɔ̀ɔn nìi jɔ̀na na, tɔ̀ rii yɛ, yè Ŋaablà mafyɛn fyɛ̀ùn'n kur'la sapɛ: màfyɛ̀ynà goo kaatsià sapɛ, ko tswɛ̀y fàrà goo ì, mòdzian sapɛ re.

² Ye Ŋaablà mafyɛ̀n màsa reè ko fàànma reè sapɛ re, gè riì ni à to mìn jaamabee fa jaancin ko akiritsuu doùn, Ŋaablà jɔun shiɲaanbe ko blàbe tsɛ.

³ Nìi wù, è bà dzi mùn Tsibaa Ŋaablà ra, tɔ tɔ̀ rii,

⁴ tɔ̀ niì sào ni mòdzian sapɛ yeè tsi, yè dzi sààbeen tɔ̀.

⁵ È ɲɛn à tsɛ, Ŋaablà soo pe rii ni, ko sòrònfabaa soo à ko adamàdzin mòdzin neè fi, nìi Yesù Kirisà, adamàdzin mòdzin.

⁶ Tɔ̀ yeè e yɛrɛ siun mòdzian sapɛ kungɔ̀ màbò sara. Tɔ bàu shɛɛrɛbe, nìi fau e waatsi ɲan.

⁷ Tɔ̀ rii kamà, Ŋaabla mun bàu waajibifabaa ko kɛɛradzin. È mun bà kun kpɛrɛ mòdzin neè kàrànfa, min ɲɛynaà ko sààbeen kàràn è ra. Mun sààbeen rìì dèe, mun na doò dèe waa.

Kpir'leè ko tààn rèè faa raà ɲɛynamoo kur'là doùn

⁸ È ɲɛn tɔ̀ tsɛ, m'a gaa kpir'leè yè Ŋaablà mafyɛ̀n min niì sapɛ, è si rèè fɛnɛuma ɲan ye bà seunà, vununta ko sɔ̀swɛy mà bà ni waa.

⁹ Tɔ̀ soo tsuru, nìi tàan rèè, twɛy sa yeè vya jaawuen wɔ, cèu ni nìi ɲàn, è sùtal'là vya. È raa màwɔɔ mà bà kùngɔ myɛ̀unma kpàxɔ ì, ko sɛnu ì, ko fyɛɛdzin ì, tàmafa vyama ge kpàxɔ ì waa.

¹⁰ Ŋà è raa màwɔɔ ye byɛ̀n faadzii wuu ì rìì mà, a ci tàan nìì reè ci ye shia Ŋaablà jɔun, twɛy raa faadziɛ ni nìi tsuru.

¹¹ Taàn yè e mɛ̀nshɛn è kàr'nà lamyɛn, è bà e majàaŋnà peu.

¹² Taàn yè bà ni kpir'la kàràn è kùntsììbe fa à tsɛ, mun na n tsii tɔ̀ ra waa. È mɛnshɛ̀n nì.

¹³ È ɲɛn à tsɛ Adamà nì jɔ̀na ɲɛun, tà shɔ̀ùn Awà yè kòmànà ɲɛn.

¹⁴ Adamà nì sàn to na firì dɛ, ŋà taàn nì san fìriu, è Ŋaablà dzugoomaa cɛun ban.

¹⁵ Tà ko e sa ra à re ker'là baraka ɲan, à nà tsi. Ŋà fɔ à shìuma yè to ɲɛynaà nà, kɛ̀nbààbee, ko fɛnɛbee, è bà e majàaŋnà.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

﻿Tsìmotè jɔ̀naà 2 - Bible Dzùùngoo Unicode

Tsìmotè jɔ̀naà 2 - Bible Dzùùngoo Unicode