အွန်လိုင်း သမ္မာကျမ်းစာ

Yùxanà jɔ̀naà 1 - Bible Dzùùngoo Unicode

Yùxanà rè shɛɛrɛbee Ŋaablà re Goomaa tsɛ, jaamabee Goomaa

¹ Àwà fɔ dan dan, nìi na ni, tɔ̀ yeè bà jaamabee Goomaa, ɲe tɔ̀ gooma myɛun, ɲe y'à jà e jaa ra, ɲe y'à lafyɛ, ɲe yè e si dzyɛn à ra.

² Ɔ̀ɔn, jaamabee yè e kpadèu, ɲe to y'à jàu, ɲe y'à shɛɛrɛbe fa. À jaamabe dziù dòbɛɛ rìì gooma dekɔɔn ye ra, tɔ̀ niì na ni Fà Ŋaablà tɛyn è bà e yɛrɛ kpadèu ɲe ra.

³ Ɲe nìi jàu, tà ko ɲe y'à myɛ̀n, ɲe tɔ̀ gooma deè ye sa ra gè riì ni à to ye yè bà ni ɲe re dzyèè doùn, tɔ̀ dzyèè rìi, ɲe ko Fà Ŋaabla ni à ra ko à Dzin Kpiri Yesù Kirisà.

⁴ Ɲe twɛy goo rèè sɛbɛn siàn ye ra, gè riì ni à to mùn ne taamadzibeè yè bà taamadzibe dziitsyɛunma.

Yùxanà ci Ŋaabla vyevyee rìì

⁵ Ɲe gooma niì myɛ̀un à re, ɲe yè bà à dèe ye ra, tɔ̀ rii yɛ ci Ŋaabla vyevyee rìì, tsitsiì pɛn na ni à ɲan waa.

⁶ Mìn ba ci mùn ni dzyèè rà ko a ka, mùn to jìɛ tsitsiɛ̀ ɲàn, mùn doò dèe, mùn na ni sààben tsɛ waa.

⁷ Ŋà mìn ba jìɛ vyevyeè ɲàn a ci à sa ni vyevyeè ɲàn nìi tsuru, mùn bàa e si dzyèèsi ì, à Dzin Kpiri Yesù tsìɛn yè bà mùn fòò boò e re gooɲaantsiɛ ɲàn.

⁸ Mìn dzin ci gooɲaantsii na ni mùn vu ra, mìn yɛrɛ maniɛ̀n, sààben to na ni mùn ɲan waa.

⁹ Mìn ba e tsiɛ à ra ci gooɲaantsiɛ ni mùn vu ra, à vusootsi è bà tereòn. À nà e yɛrɛ to mùn ne, è mùn fòò bo e re terenbɛy goo sapɛ ɲan.

¹⁰ Ŋà mìn dzin ci gooɲaantsii na ni mùn vu ra, mùn y'a bàa doodebaa, à re goomaa to na ni mùn ɲan waa.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

﻿Yùxanà jɔ̀naà 1 - Bible Dzùùngoo Unicode

Yùxanà jɔ̀naà 1 - Bible Dzùùngoo Unicode