အွန်လိုင်း သမ္မာကျမ်းစာ

Korɛntsika reè jɔ̀naà 5 - Bible Dzùùngoo Unicode

Polì kɛ̀kɛ̀ɛ̀ybe rìi gooma deu Korɛntsì ɲɛynamoo kur'là doùn

¹ Àwà mùn y'a myɛ̀ɛn min niì sapɛ, ci kɛ̀kɛ̀ɛ̀ybe ni ye fi, arì nìi kaatsi na ni ɲɛynabɛy reè tsu fi waa. À dèe ci ye ɲan, sɔn ni e fa rè tààn ka.

² Arì she ye to yè e yɛrɛ blabee ŋe. N ci tɔ̀ na wù è bà taamaŋununbe brìsi rìì ye re, nìi nà bà saabu mòò riì tɔ̀ goò faɔ̀, ye tɔ̀ kaa bo e fi !

³ Mun ne, mun kɛ̀nsɛɛn ma ba ni ye ka mɔn gɔɔ̀n kàjaa tsɛ, akir'là kàjaa tsɛ mun ni, mun to kitsia kùnuun à goò fabaà tsɛ nòn, a ci mun ni.

⁴ Àwà, ye na e ladzyèè mùn Tsìfa Yesù tsoo ra, mun sa yeè bà ni ye ka tɔ̀ làdzyee koùn akir'là kàjaa tsɛ, è kòrò à re fàan ka,

⁵ tɔ mòò riì, è wɔ Sùtana suun, gè riì ni à to à gɔɔ̀n yè bara, à xɔɔn yè bà ni tsiuma tàrà Tsìfaà raa jisee sii sèè.

⁶ Kùn na ni ye re yɛ̀rɛ̀blàbee rà waa. Ye na à tɔ̀ ci buru fua gè kiɲaanin nì buru fa guuŋmaà sapɛ furà ɔ̀ ?

⁷ Tɔ̀ doùn, ye e foò fyɛ bo buru fua gè bɔrɔɔ ɲàn, ye bà a ci buru fa guuŋma yeu è ɲɛn à tsɛ buru fua gè na ni ye ɲan dɛ, kàtsu Kirisà, ɲe re Geren n tsɛɛ̀ sɛr'là sààtòmòìriɛ bou saaka.

⁸ Tɔ̀ kamà mìn sɛr'là fa, mùn mà à fa ko buru fua gè bɔrɔɔ ka waa, mùn to mà à fa ɲaan ko ɲanbee buru fua gè ka waa. Ŋà mùn y'a fa buru ka, buru fua gè na ni nìi ɲan waa, nìi yɛ e fyɛ, ko sààbeen.

⁹ Àwà mun sɛbɛn niì kau ye re, m'a dèu ye ra tɔ̀ doùn, ci e maà dzyèè kɛ̀kɛ̀ɛ̀y gòò fa reè ka goo sɔn pɛn doùn waa.

¹⁰ Ŋà, à na dziɲaan kɛ̀kɛ̀ɛ̀y gòò fa reè ko e kuru gooma dekɔɔn waa, à to na à wàsà bɛy reè ko jàànfà moo rèè, ko à ɲɔ̀n kɔ reè gooma dekɔɔn waa. È ɲɛn à tsɛ, è ba na twɛy rìì, fɔ ye yè bo dziɲaan doùn nì.

¹¹ Ayi, à na twɛy gooma dekɔɔn waa, ŋà mun ye sɛbɛun ci ye mà dzyèè mòò riì ka, tɔ nìi ci wo ye neema, à to ni kɛ̀kɛ̀ɛ̀y goo fyɛ̀ùn, tàmafa à na wasaa, tàmafa à ɲɔ̀nkɔbaa, tàmafa à ni ɲɛ̀ɛn nì fyɛ̀ùn, tàmafa à dɔ̀ɔ̀kɔɔn, tàmafa à jàànfà moo. E maà ɲwɛyn tsu rii ɲɔn tɔ̀ mòdzìn kaatsià ka waa.

¹² Mòò to ni dzin ci à ni mun nì mà min kitsi kunùn dà dzin neè tsɛ ɔ ? Doun dzin neè raa kitsia, tɔ̀ na ni ye rìì suun ɔn ?

¹³ Dà dzin neè, Ŋaablà rii nà twɛy raa kitsia kùnùn. Ye, ye gooɲaanfabaà kaa bo e fi, a ci à sɛbɛɔ̀n Ŋaablà re Goomaa doùn nìi tsuru.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ