THUSIMTU 7 - Bawm Common Language Bible Version

Nungnâk Thu Dawnruatnâk

¹ Sariak rimthâw man tam tak ngâk hen thangṭhatnâk hi a ṭha dauh; na suak ni ngâk hen na thih ni a ṭha dauh.

² Din leh einâk mun ah kal ngâk hen mithi ulhnâk mun ah kal a ṭha dauh, a nung mi nih thihnâk nih chun kan ektê hen hawng kan ngâk ko ti an theihkumza ruangah.

³ Nih ngâk hen ngaihsiatnâk a ṭha dauh; na mêl chu a zûr kho, sikhawmsele theihthiamnâk a nan pêk lai.

⁴ Lâwmnâk ding karo dawntu chu mi â asi. Mifing lam nih chun thih thu a dawn.

⁵ Mifing nih nun a nan simh mi chu, mi mâwl nih la hen a nan sawr mi ngâk hen a ṭha dauh,

⁶ Mi â a ni chun lingbû duah hâu hâwi asi. Zeikhawm a san a um lo.

⁷ Mifing nih âumawh a perpet chun, mi â hâwi hen thil a ti mi asi. Nawhnâk na lâk chun na umdân na râwk mi asi.

⁸ Zei thil tal a dawmh tir ngâk hen a dawnghnâk a ṭha dauh. Dawnhkhonâk chu khâwngnâk ngâk hen a ṭha dauh.

⁹ Na thinthawknâk a sûm le, thu huat mang hi mi â dân asi.

¹⁰ “Zei rangah a lânah mi thil tla titi a ṭha?” ti lah. Chu chu mifing thu deih dân asi lo.

¹¹ A nung mi zawng rangah finghnâk a herh le; rothil tawng hâwi tluk hen a ṭha le,

¹² tangka nih a hum kho hâwi hen a nan hum lai. Finghnâk nih a nan hum le, chu chu theihthiamnâk a ṭhatvaknâk asi.

¹³ Pathian thilti dawn rawh. Pathian nih a ngawih rawh mi âunih dingh kho lai.

¹⁴ Na rang thil zeizawng a tluang chun a lâwm le, nawknâk a hawng tlung chun, Pathian nih lawksawngnâk leh lawmhnâk hi a tlungtir mi vevê asi ti theih rawh, a nehnûnah zei a hawng tlung awt nawlh ti na theih loh.

¹⁵ Ka nungnâk hi zeikhawm asi lo rawh le, sikhawmsele chu lakah thil zeizawng ka muh. Midang sual ngâi bû hen a dam liauah mi ṭha lam a thi kho.

¹⁶ Churuangah ṭha tuktarâi hen fing tuktarâi lah, zei rangah nangmah na thah?

¹⁷ Sikhawmsele sual tuk lah le, â tuk lah, na thih ni a tlung lânah zei rangah thih na tum?

¹⁸ A leiluat hen um lah. Phung leikâng mi na si chun, zei leikâng zawng ah na dingchang lai.

¹⁹ Lâirêltu parâ nih khuapi rangah an tikho mi ngâk hen finghnâk nih minung rangah a ti mi a tam dauh.

²⁰ Tual tlûnah thil dik ti kumzatu leh palh dahlotu pakhat khawm a um lo.

²¹ Mikip thusim ngâi ver lah, na to-aw nih a nan chawngawih mi na theih lai le,

²² midang rangah vei tam tak na simsiat mi khawm na theih lai.

²³ Hi bang zawng tla nik ding hen ka finghnâk ka mang. Fing ding ka tum chiam le, khawmsele ka phanh kho lo.

²⁴ Nungnâk thu umzia hi zeitin mi nih a theih kho lai? Kan rangah a thûk tuk hen theihthiam a har tuk.

²⁵ Sikhawmsele theih ding leh sîn ding hen ka pêk le, finghnâk leh ka deih mi sângnâk tawng ding ka tum hen misual leh mi mâwl tla khawm zeirang titi an mâwl ti theih ka tum.

²⁶ Nunau a thi mi ngâk hen thil zeimawh khâ dauh mi ka tawng. Nunau nih a nan duh mi chu, na rangah thang nih an awh mi hâwi leh lên nih an awh mi hâwi hen an awh lai le; a kut hen a nan kuah mi chu thîr chikchîn hen an khih mi hâwi asi. Pathian lawmhtirtu tla chu, chubang lakah mi anna kiang le, sikhawmsele misual chu a tleih na lai.

²⁷ Mifing nih chun, asi, a sângnâk ka hâwl liauah hi bang tla tâwm tâwm ka tawng vima.

²⁸ Sângnâk dang ka hawng hâwl le, sikhawmsele pakhat khawm ka tawng lo. Minung sângnâk lakah pakhat cho zah ding mi ka tawng le, nunau lakah lam chun pakhat khawm ka tawng lo.

²⁹ Hi hi ka thil sîn zawzawng tla chu asi: Pathian nih awldek leh mâwl tak hen hawng kan siam le, sikhawmsele kanmah leh kanmah kanna nawktir.