THUSIMTU 11 - Bawm Common Language Bible Version

Mifing Nih Thil A Ti Mi

¹ Ramdang ah sawlehnâk ah na tangka pungtir le, zei tik ni ah mawh na dingchang lai.

² A dang chereh hen mun tam tak ah na tangka a pung mi chu siah rawh, hi laikulh ah zei hâwi vânduainâk na tawng awt ti dik tak hen na theih lo ruangah.

³ Thing chu zei leikâng tal ah tlû khawmsele a pawi lo, a tlûknâk mun nget ah a um lai. Vândâwm chu a khat tâwk rawh chun ruah a sûr.

⁴ Thli leh ni-khua a tik tak na ngâk hen chun, zeikhawm na tuh lai lo le, zeikhawm na ât lai lo.

⁵ Pathian nih thil zeizawng a siam le, nunau râi mi pawsung ah nungnâk thar um â dawmh mi zei hâwi asi na theih mi ngâk hen a thilti na theih dauh lêm lai loh.

⁶ Zînglei leh zânlei khawm ah chi tuh rawh. Ṭhadektê hen a kho hep lai mawh pakhat tuh mi chu a dang ngâk hen a ṭha dauh awt mawh ti na theih lo.

⁷ Sûn nî chêu ah lâwm tak hen um kho chu a ṭha asi.

⁸ Kum siar hen dam hen na um ruangah a lâwm rawh. Zei tiang tal dam khawm le a pawi loh, sâwt dauh tikah chun na thi awt ti theih. Mâilei thu dawn ding mi zeikhawm a um lo.

Seino Tla Rangah Simhnâk

⁹ Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

¹⁰ Zei thil khawm nih lawksawngnâk leh nganfâknâk a nan pêk lah seh. Sâwt tak seino na si kumza awtlo.