SAM 99 - Bawm Common Language Bible Version

Pathian Lâirêltu Lalchem Chu

¹ LALPA chu lalchem asi; mi tla an thir. Thilnung thla tlûnlei ah a laltophah tlûnah a to le, tual â nîn.

² Zion ah chun LALPA chu mi chak asi, phun zawzawng lakah lâirêltu lian asi.

³ A min rokual leh zah a kâinâk chu mikip nih an sawr lai. Amah chu a Thenhlimh asi!

⁴ Lalchem Chak tak, diknâk chu na lawmh; Israel tla lakah diknâk chu na birhtir le; repnâk leh ṭhatnâk na tlungtir.

⁵ LALPA kan Pathian chu sawr u; a laltophah mâika ah amah chu sawr u! Amah chu a Thenhlimh asi.

⁶ Mosi leh Aron chu a bâwlpu an si, Samuel chu amah sinah thlachamtu pakhat asi; LALPA an auh le, anih nih a sâng na.

⁷ Sûm dîr thawk hen an sinah thu a sim le, dân leh thupêk a pêk na mi chu an zûl.

⁸ LALPA, kan Pathian, nangnih na mi tla na sâng na; an sual ruangah rêp na khawm le, ngaihdamtu Pathian na si ti na theihtir.

⁹ LALPA kan Pathian chu sawr u, a tlâng thenhlimh ah amah chu sawnh u! LALPA kan Pathian chu a thenhlimh asi.