SAM 97 - Bawm Common Language Bible Version

Pathian Lâirêltu Lian Chu

¹ LALPA chu lalchem asi! Tual, a lâwm rawh! Tipi ah tikulh tla, a lâwm u!

² Mûi leh sûm nih a kulh le; rep tak leh dik tak hen lâi a rêl.

³ A mâilei ah mei a kal le, a kiangah mi mêlma tla a khangh na.

⁴ A mîmthlalek nih laikulh chu a cherh le; tual nih a muh le, a thir.

⁵ LALPA mâika ah chun tlâng tla chu khuailul hâwi hen an zawr le, tual zawzawng tla LALPA mâika ah.

⁶ Vân nih a rep zia a phuang, phun zawzawng nih a rokual zia an muh.

⁷ Mikip ruk sawnhtu chu ningzak saih hen a um; pathian zawzawng tla chu LALPA mâika ah an kûn.

⁸ LALPA, na lâirêlnâk ruangah Zion ah um mi tla chu anna lâwm le, Juda khuapi tla chu anna lâwm.

⁹ LALPA, Zeizawng tikho, nang chu tual zawzawngah Lâirêltu na si; pathian zawzawng ngâk hen na lian ving.

¹⁰ Sual huatu tla chu Pathian nih a dâwt; a mi tla nungnâk chu a hum, misual thiltikhonâk ah mi chu a suah na.

¹¹ Mirep tlûnah chun chêu a hawng chêu le, lâwmnâk chu mi ṭha tlûnah a hawng tlung.

¹² LALPA nih thil a ti mi ruangah nannih mirep zawzawng tla a lâwm u. Pathian thenhlimh thilti chu theih kumza ule, a sinah lâwmthu sim u.