SAM 93 - Bawm Common Language Bible Version

Pathian Lalchem Chu

¹ LALPA chu lalchem asi. Lalnâk leh chaknâk hen â thuam. Tual chu a mun ah siah asi le, ninh kho asi lo.

² LALPA, na laltophah chu a tîr thawk hen birhtir asi le, tik dawmh asi lânah nang chu na um chia rawh asi.

³ LALPA, tisumsumriat thûk tak nih an aw-hâu an suah le, an hâu an suah le, an rûm.

⁴ LALPA chu vân ah lâirêltu lian asi le, tisumsumriat a rûm mi leh tipi tlingtlawk mi ngâk hen a rokual dauh.

⁵ LALPA, na dân chu zungzâl rang ding asi, na Biakin chu zungzâl zungzâl rangah thenhlimh tak asi.