SAM 87 - Bawm Common Language Bible Version

Jerusalem Chawnglawmhnâk

¹ LALPA nih a khuapi chu tlâng thenhlimh tlûnah a tuah;

² Israel ram ah mun dang zawzawng ngâk hen Jerusalem khuapi chu a duh dauh.

³ Pathian khuapi, na thâwngthâng chê tak a sim mi chu ngâi rawh.

⁴ “Ka thu ngâitu phun tla ka singsiah tikah, Aigupta leh Babulon chu ka telhsih lai, Philistia mi, Tura leh Sudan chu Jerusalem sungah um mi tla sinah ka rêlsih lai,” ti hen.

⁵ Zion thu chu phun zawzawng umnâk leh zeizawng tikhotu nih a chaktir mi ti hen sim asi lai.

⁶ LALPA nih mi zapi tla singsiahnâk chu a rîn lai le, Jerusalem khuapi lakah um mi tla lakah a telh na lai.

⁷ “Zion chu kan malsâwmnâk bulpi asi,” ti hen an lâm le, la an sak.