SAM 75 - Bawm Common Language Bible Version

Pathian Lâirêltu Chu

¹ Aw Pathian, lâwmthu ka nan simh, lâwmthu ka nan simh! Na rokual zia kan sim hen na thilchê ti mi tla kan sim.

² “Lâirêlnâk ding hen tik ka ruat le, ṭhatnâk hen lâi ka rêl awt.

³ Thilsiam nung tla thir hen a nîn khawmsele, a lungphûm chu bir tak hen ka kil lai.

⁴ Misual chu zauhnawmh mang lo ding hen ka simh,

⁵ an puarnâk khawm bâng ding hen ka simh na,” Pathian nih a ti.

⁶ Lâirêlnâk hi saklei leh thlanglei thawk hen mawh, simlei leh marlei mi khawm asi loh;

⁷ Pathian chu, lâirêltu, mi zeimaw mi rangah mawhtirtu leh midang rangah thawsuaktirtu chu asi.

⁸ LALPA nih chun hâi a put le, a thinthawknâk uain hâng rât tak hen a khah. A thlêt le, misual zawzawng nih an din; a zut mi dawngh tiang an din;

⁹ Jakob Pathian thusim leh a sawrnâk lasak chu ka bâng dah lai loh.

¹⁰ Misual thiltikhonâk chu a râwk lai le, mirep thiltikhonâk chu a pungtir lai.