SAM 70 - Bawm Common Language Bible Version

Ṭangpi Ding Hen Thlachamnâk

¹ Aw Pathian, ruang hawng ka suah! LALPA, tuah hawng ka ṭangpi!

² Thah ding hawng ka tumtu tla chu neh leh nawktir hen um na seh. Ka lawksawng ruangah lâwptlotu tla chu dunglei ah kîr hen leh mualpho hen um na seh.

³ Hawng ka tluktlaktu tla chu neh hen zâm phin na seh.

⁴ Na sinah hawngtu tla chu lâwm hen lâwptlo na seh. Na ruangsuahnâk ruangah lâwmthu simtu tla nih, “Pathian chu a rokual a!” ti kumza na seh.

⁵ Aw Pathian, kei chu ka chak lo hen ṭangpitu ka nei lo, Khulrang hen ka sinah hawng. LALPA, nang chu ka ruangsuahtu na si, hawng ka ṭangpi ding hen a nam rawh!