Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

SAM 66 - Bawm Common Language Bible Version


Sawrnâk La Leh Lâwmthusimnâk

1 Nannih mi zawzawng tla, lâwmnâk aw-hâu hen Pathian sawr u.

2 A min rokual chu sawr ule; chawnglawmhnâk rokual chu pêk u!

3 “Thil na ti mi tla chu an chê a! Na thiltikhonâk chu a rokual ngâk! Na mêlma tla chu lâu hen na mâika ah an kûn.

4 Tual tlûn mikip nih a nan sawnh; la sak hen a nan sawr, la sak hen na min an sawr,” Pathian sinah ti u.

5 Pathian nih minung fa tla tlûnah a thilchê ti tla, hawng le, zauh.

6 Tipi tla chu tual châr ah a siam le, hawng kan thlâktu tla nih tiva chu kê hen an tan. chunah a thilti ruang chun kanna lâwm.

7 A thiltikhonâk hen zungzâl lâi a rêl le; phun tla chu a zauh kumza na. âukhawm a lakah an hel lo.

8 Phun zawzawng tla, kan Pathian chu sawr u; nan sawrnâk chu theih hen um seh.

9 Nung dam hen hawng kan zuah le, tlâ ding hawng kan siang lo.

10 Pathian, nik ding hen na kan siah le; mei hen tangkasa an êr mi hâwi hen na kan nik.

11 Thang lakah na kan awhtir le, kan kêng ah thilrit na siah.

12 Ka mêlma na kan lamhbêktir le; mei leh tîlian lakah kan lan, tuah lam chun himnâk ah na kan siah rawh.

13 Na in ah duah mi bâwlnâk ka hawng put lai le, ka tiam mi hâwi hen ka nan pêk lai.

14 Ka lawksawng liauah ka ti lai, ka ti mi hâwi hen ka nan pêk awt.

15 Mâichâm tlûnah duah ding dawrâ chu ka hawng ap lai le, chawchal leh kêl hen ka bâwl lai, a khû chu vân leiah a kâi lai.

16 Pathian zahtu zawzawng tla, hawng ule, ngâi u, ka rangah thil a ti mi chu ka nan simh na lai.

17 Ṭangpi ding hen ka auh le, la hen amah ka sawr.

18 Ka sual ka theihtir lo chun LALPA nih hawng ka ngâi piak lai lo.

19 Sikhawmsele, Pathian nih chun a ka theih tatak le; ka thlachamnâk a ngâi.

20 Pathian nih ka thlachamnâk a nawng lo ruangah leh a dâwtnâk dawnglo a chattir lo ruangah amah chu ka sawr lai.

Bawm Common Language Bible © Bangladesh Bible Society, 2004. All rights reserved.

Bangladesh Bible Society
ကြှနျုပျတို့နောကျလိုကျပါ:



ကြော်ငြာတွေ