SAM 61 - Bawm Common Language Bible Version

Himnâk Ding Hen Thlachamnâk

¹ Pathian, ka au hâu hi theih le, ka thlachamnâk hi ngâi!

² In thawk hen lât tak lungdawng bû hen ka nan auh!

³ Ka mêlma lakah mi hawng ka vêngtu chak tak leh hawng ka humtu na si ruangah himnâk ah hawng ka siah.

⁴ Ka dam sung zawzawng na mun thenhlimh ah hawng ka umtir le; na thla tangah himnâk hawng ka tawngtir.

⁵ Pathian, ka thutiam tla chu na theih le; nangmah a nan zahtu tla tâ chu na ka pêk.

⁶ Lalchem san chu kum tam tak hen sap le; damtir kumza!

⁷ Pathian, na mâika ah lâirêl kumza ding hen, na dâwtnâk dawnglo leh na zumhkâinâk hen hum rawh.

⁸ Thu ka nan tiamh mi nisiar ka nan ap liauah la sak hen kan sawr kumza lai.