SAM 57 - Bawm Common Language Bible Version

Ṭangpi Ding Hen Thlachamnâk

¹ Pathian, na ka hum ding hen na sinah ka hawng, ka lakah khuaruat rawh; thlipi fâk tak râng lîm lânlo chu na thla dâidul tangah himnâk ka hâwl.

² Chungnungchem Pathian, ka nisiar thil herh hawng ka pêktu chu ka auh.

³ Vân thawk hen hawng ka sâng lai le, hawng ka nehsawhtu chu a neh lai le, hawng ka hum lai. Pathian nih a dâwtnâk dawnglo leh zumh a kâinâk hawng ka zauhtir lai.

⁴ Minung eitu chakeibaknei hâwi si mi tla nih an ka kulh. An hâ chu fei leh thalzum hâwi asi; an lei tla chu nâmsâu a hâr mi hâwi asi.

⁵ Pathian, vân ah khin na rokual zia leh tual tlûnah na rokual zia zawzawng langhtir.

⁶ Ka mêlma tla nih hawng ka awh ding hen lên an zâr le; hamhnâk hen neh kasi. Ka lampi ah khur an chawh le, khawmsele chu lakah anmah lam an tlâ.

⁷ Pathian, lungumnâk rangtling ka nei, la sak hen ka nan sawr lai!

⁸ Ka thlarau, a ṭhangh! Ka ṭingṭang leh tumphung tla a ṭhangh u! Nî chu ka ṭhangh awt!

⁹ LALPA, phun tla lakah lâwmthu ka nan simh lai. Mi zapi nâwngah ka nan sawr lai.

¹⁰ Na dâwtnâk dawnglo nih vân a phanh le, zumh na kâinâk nih vândum a tawngh.

¹¹ Pathian, na rokual zia vân ah khin langhtir le, tual tlûn zawzawng khawm ah langhtir.