SAM 55 - Bawm Common Language Bible Version

Mi A Hâwi Nih A Kaltâk Ruangah Thlachamnâk

¹ Pathian, ka thlachamnak ngâi le, ka nan ngiar mi hi ngaihlo lêm thlâk lah.

² Hawng ka ngâi le, hawng ka sâng; ka dîtnâk nih hawng ka uaitir thlo.

³ Ka mêlma nih an ti mi lakah ka thla a kâm le, misual tla nih an hawng ka nâuneh thlo. Ka tlûnah an thinrun le, an ka hua,

⁴ thih ṭihnâk nih hawng ka lauh.

⁵ Lâunâk leh thirnâk nih hawng ka denh le, ṭihnungkâinâk nih a ka neh.

⁶ Vaṭhu hâwi hen thlâ nei sele ka duh, dînnâk hâwl hen ka zuang ving lai.

⁷ Lât takah ka zuang lai le, ramkaro ah in ka sak lai.

⁸ Thlipi leh ruahpi lakah rang tak hen dawrnâk ka tawng lai.

⁹ LALPA! Ka mêlma tla thusim chu nawktir na le, khuapi ah rawknâk leh helnâk ka muh,

¹⁰ a sûn a zân hen an kulh, buarnâk leh lawksawngnâk hen a khat.

¹¹ Mun kip ah siatnâk a um le, zâwllâi tla chu perpetnâk leh nehsawhnâk hen a khat.

¹² Hawng ka nihsanhtu tla chu ka mêlma si sele chu ka tuar kho ding mi; ka tlûnah khâwng nawhtu chu ka mêlma si sele chu, a lakah mi ka thup ding mi.

¹³ Sikhawmsele, nangmah, ka hâwikawmh, keimah murui leh ka hâwi tatak na si.

¹⁴ Hâwikawmh tak hen thu kanna ruah tawnh le, Biakin ah munkhat hen Pathian kan sawnh.

¹⁵ A tik lânah ka mêlma tla chu thi na seh, a nung bû hen laikulh thihnâk ah kal na seh! Sualnâk chu an thinlung leh an in lakah a um.

¹⁶ Sikhawmsele, LALPA Pathian sinah ṭangpi ka sâwm le, hawng ka hum lai.

¹⁷ Ka deihnâk leh ka rûmnâk chu, zîng leh sûn leh zân khawm ah a sinah a tlung kumza le, ka aw-hâu a ngâi lai.

¹⁸ mêlma tam tak hen kanna donâk lakah mi chu him tak hen hawng ka tlungtir nawlh lai.

¹⁹ Pathian, zungzâl thawk hen lâirêltu nih ka aw-hâu a ngâi lai le, anmah a neh na lai; amah an theih lo hen an rim lo ruangah.

²⁰ A lânah ka hâwipa nih a hâwipa rangah a do le; a thutiam a buar.

²¹ A thu chu chawpê nûk thâu ngâk hen a tlawr, sikhawmsele a thinlung ah huatnâk a um, a thu chu sariak hâwi hen a nâl, khawmsele nâm hâr hâwi hen mi a tuk.

²² LALPA sinah na lawksawngnâk chu pêk le, amah nih a nan vêng lai; mi zumhkâi chu neh hen a umtir dahlo.

²³ Sikhawmsele, Pathian, nangnih mi thahtu leh mi âwkrâwl tla chu an san lâikhing khawm asi lânah an thlân ah na kaltir na lai. Kei lam chu nangmah ka nan rinhsanh lai.