SAM 54 - Bawm Common Language Bible Version

Mêlma Lakah Hum Ding Hen Thlachamnâk

¹ Pathian, na thiltikhonâk hen ruang hawng ka suah; na chaknâk hen hawng ka suah!

² Pathian, ka thlachamnâk ngâi le, ka thusim hi ngâi!

³ Mi, â zûm mi tla nih do ding hen an hawng le; mi ṭhalo tla nih thah ding an ka tum, Pathian theihlotu tla chu.

⁴ Sikhawmsele, Pathian chu hawng ka ṭangpitu asi. LALPA chu hawng ka vêngtu asi.

⁵ Pathian nih anmah sualnâk hen ka mêlma tla chu rêp na seh. Zumh a kâi ruangah amah nih a veih na lai.

⁶ LALPA, lâwm tak hen bâwlnâk na sinah ka hawng ap lai; na ṭha ruangah na sinah lâwmthu ka sim lai.

⁷ Ka lawksawngnâk zawzawng lakah mi ruang na ka suah le, ka mêlma neh hen an um mi chu ka muh rawh.