SAM 52 - Bawm Common Language Bible Version

Pathian Lâirêlnâk Leh Zângfahnâk

¹ Mi rokualpa, zei rangah na sualnâk na putso? Pathian dâwtnâk chu a dawnglo.

² Midang tla râwk ding na tum le, na lei chu ziahdâr a hâr mi hâwi asi, âwkrâwl na hâwl kumza.

³ Ṭhatnâk ngâk hen sualnâk na duh dauh le, diknâk ngâk hen diklonâk na duh dauh.

⁴ Nang, mi âwkrâwlpa! mi le tla chu na thu hen nganfâk pêk chu na duhkâng asi. Laikulh umnâk thawk hen an ṭhial ving lai.

⁵ Churuangah Pathian nih an râwk kumza lai le, na in ah mi a nan tleih lai.

⁶ Mirep tla nih chun an muh lai le, an ṭih lai; a nan nihsanh lai le,

⁷ “Zauhnik, Pathian lakah him ding hen ngauh lo hen a neih le siah leh thilsual lakah him ding a tum mipa hi,” an ti lai.

⁸ Kei lam chu Pathian in ah oliv thing a kho mi hâwi asi; zungzâl hen a dâwtnâk dawnglo lakah ka ngauh.

⁹ Pathian, na thilti ruangah chun lâwmthu kan simh kumza lai le; na mi le tla mâika ah chun na ṭhat zia ka sim lai.