SAM 47 - Bawm Common Language Bible Version

Lairêltu Lian

¹ Nannih mi zawzawng tla, lâwm hen nan zâ bengh u! Hâu fâk tak hen Pathian sawr hen la sak u!

² LALPA, Chungnungchem, laikulh zawzawngah lâirêltu, Lal rokual chu ṭih ding asi.

³ Mi le tla lakah nehnâk hawng kan pêk le; phun zawzawng tlûnah lâirêl ding hen hawng kan siam.

⁴ Kan umnâk ding ram hawng kan thîm piak; a dâwt mi minung tla nih anna umsan mi neihnâk chu.

⁵ Pathian chu laltophah ah a to. A to liauah lâwmnâk âu hâu leh Tâwtawrâwt tum hâu tla a um.

⁶ La sak hen Pathian sawr u; la sak hen kan lal chu sawr u!

⁷ Pathian chu laikulh pumpi lal asi; amah chu la hen sawr u!

⁸ Pathian chu a laltophah thenhlimh tlûnah a to le, phun tla tlûnah lâi a rêl.

⁹ Abraham thlâk Pathian mi tla hen phun lâirêltu tla anna pûm, kawrsen zawzawng ngâk hen thiltikho chu amah asi; thunei tak hen lâi a rêl.