SAM 46 - Bawm Common Language Bible Version

Pathian Kan Sinah A um

¹ Pathian chu kanna dawrnâk leh kan chaknâk asi, lawksawng ni ah ṭangpi ding hen â tîm kumza.

² Churuang chun, tual tla â nîn hen tlâng tla chu tisumsumriat tawdeng ah tlâ khawmsele ka ṭih rîlmâl lai loh.

³ Tipi tla hâu suah hen hawng lian khawmsele, tlâng tla chu râwk hen a nîn khawmsele ka ṭih lai loh.

⁴ Chungnungchem, in thenhlimh, Pathian khuapi leiah lâwmnâk tlungtirtu tiva a um.

⁵ Chu khuapi ah chun Pathian a um le, zeiliau khawm â râwk dah lai loh; khuadei bâiah a ṭangpitu a hawng tlung lai.

⁶ Phun tla chu an lâu le, lalram tla chu â nîn; Pathian nih a hâu a suah le, tual a zawr.

⁷ LALPA thil zeizawng tikho chu kan sinah a um; Jakob Pathian chu kan himnâk asi.

⁸ Hawng le, LALPA thilti hi zauhnik, tual tlûnah thilchê a ti mi tla chu zauhnik.

⁹ Laikulh zawzawng tuknâk a bângtir; chanhtiang tla a khiak le, fei tla a râwk, phaw tla chu mei hen a duah.

¹⁰ “Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

¹¹ Pathian zeizawng tikho kan sinah a um; Jakob Pathian chu kan himnâk asi.