SAM 43 - Bawm Common Language Bible Version

Mi Sal Tâng Liauah Thlachamnâk (Sam 42 Pehnâk)

¹ Pathian, lunglo tla lakah hawng ka vêng hen hawng ka mawhtir lah. Misual leh mi âwkrâwl tla lakah mi ruang hawng ka suah.

² Nang chu hawng ka humtu na si; zei rangah na ka kaltâk? Ka mêlma sual tak lakah zei rangah ka tuar kumza zia lai?

³ Na chêu leh na thu dik hawng fial le; na umnâk, na Biakin leh na tlâng thenhlimh Zion leiah hawng ka rui le, hawng ka kîrpi nawlh.

⁴ Pathian, nang chu ka lâwptlonâk phûr na si, na mâichâm leiah ka hawng lai. Pathian, ka Pathian, ka ṭingṭang ka tum lai le, nangmah sawrnâk la ka sak lai.

⁵ Zeirang hi tluk rak ka ngaih a sia? Zei rangah hi tluk rak ka lawksawng? Pathian sinah ka lungumnâk ka siah lai le, ka Pathian ka ruangsuahtu chu ka sawr nawlh lai.